Om oss 

Noreg er delt opp i fire helseregionar som skal gje spesialiserte helsetenester til befolkninga. Helse Fonna er ein del av Helse Vest, og gir spesialisthelsetenester til ei befolkning på 170 500 menneske fordelt på 19 kommunar (Tysvær, Fitjar, Haugesund, Ullensvang, Stord, Vindafjord, Odda, Sveio, Suldal, Bømlo, Sauda, Karmøy, Bokn, Etne, Jondal, Kvinnherad, Eidfjord, Tysnes og Utsira).

I tillegg til å gi spesialiserte helsetenester, skal vi drive med forsking, utdanne helsepersonell og sørge for opplæring av pasientar og pårørande.

Fleire sjukehus
Helse Fonna HF består av Haugesund sjukehus, Stord sjukehus, Odda sjukehus og Valen sjukehus, og dessutan dei fire distriktpsykiatriske sentra, Folgefonn DPS, Haugaland DPS, Karmøy DPS og Stord DPS.  Administrasjonsstad er i Haugesund.