5,25 millionar til revmatismesjukehuset 

Helse Fonna Under styremøtet i Helse Vest RHF tirsdag 22. juni blei det gjort framlegg om framtidig fordeling av kapitaltilskot mellom Haraldsplass Diakonale Sykehus (HDS) og Haugesund Sanitetsforenings Revmatismesykehus (HSR). Det melder Helse Vest i ei pressemelding.

 

For Haugesund Sanitetesforenings Revmatismesykehus (HSR) er det vedteke ei årleg fordeling på 5,25 millionar kroner som skal brukast til rehabilitering av eksisterande bygningsmasse. Totalkostnadane for HSR er på 166 millionar kroner.

 

Utbetaling av kapitaltilskot til HSR vil først vere aktuelt når prosjekteringa er ferdigstilt og bygginga sett i gang. Det endelege konseptet som dannar grunnlaget for utbygginga skal bli lagt fram for Helse Vest.

 

Endeleg tildeling for HSR og HDS vil bli behandla som eiga sak. Då vil det også bli bestemt for kor mange år utbetalinga skal gjelde.

 

Om Helse Vest RHF

• Helse Vest RHF (regionalt helseføretak) har det overordna ansvaret for spesialisthelsetenesta i Rogaland, Hordaland og Sogn og Fjordane.
• Helse Vest RHF eig fem helseføretak; Helse Førde, Helse Bergen, Helse Fonna, Helse Stavanger og Apoteka Vest, samt aksjeselskapet Helse Vest IKT AS.
• Helseføretaka har om lag 28 500 medarbeidarar.
• Spesialisthelsetenesta i regionen omfattar rundt 50 sjukehus og institusjonar, og skal gi helsetenester til 1 million innbyggjarar.
• Driftsbudsjettet er på vel 19,7 milliardar kroner.
• Helse Vest RHF er lokalisert på Forus i Stavanger.