Direktørskifte:
Endringar i Helse Fonna-leiinga
Det blei tysdag kjent at Kari Ugland gir seg som administrerande direktør, men også andre endringar er på trappene i leiinga i Helse Fonna.
Samhandlingssjef
Frå første januar tek tidligare administrerande direktør Kari Ugland over som Samhandlingssjef i Helse Fonna. Ho overtek etter Knut Arne Askeland som søkte avskjed frå stillinga i midten av oktober for å starte i ny jobb i privat næringsliv frå februar 2012.
Januar månad skal dei i lag bruke til å sikre best mogleg overlapping, samt fullføring av ulike prosessar som allereie er i gang.
Klinikkdirektørar for Klinikk for psykisk helsevern og Klinikk for kirurgi, og økonomidirektør
Prosessen med å tilsette klinikkdirektørar for Klinikk for psykisk helsevern og Klinikk for kirurgi er alt i gang.
Noverande klinikkdirektørar for Klinikk for psykisk helsevern og Klinikk for kirurgi, Marianne Lund Andersen og Berit Haaland, er konstituerte i stillingane til endeleg tilsetting er gjort.
Det blir også jobba med å finne erstattar for dagens økonomidirektør i Helse Fonna, Helge Jørgensen, som frå 1. januar 2012 startar som økonomi- og finansdirektør i Helse Stavanger.
Publisert
16.11.2011 16:05 |
Endret
16.11.2011 16:12