Nye klinikkdirektørar klare 

Berit Haaland, Kirurgisk klinikk
Berit Haaland har vore konstituert i stillinga som direktør for kirurgisk klinikk sidan juni i fjor og fortsett no vidare i fast stilling.

Haaland er intensivsjukepleiar og har vært klinikksjukepleiar for kirurgisk klinikk og seksjonsleiar for kirurgi ved Stord sjukehus. Ho har lang erfaring som leiar, mellom anna for intensivavdelinga og akuttmottaket ved Haugesund sjukehus.

Kenneth Eikeset, Klinikk for psykisk helsevern
Kenneth Eikeset tek til som klinikkdirektør i klinikk for psykisk helsevern 18. juni. Han er psykiater og er i dag overlege og seksjonsleiar for Karmøy DPS og Haugaland DPS, og vil fortsette som seksjonsleiar fram til han er i gang med jobben som klinikkdirektør.

Eikeset skal vere prosjektleiar for Plan for psykisk helsevern, som skal legge føringar for det vidare arbeidet i klinikk for psykisk helsevern i Helse Fonna, fram til han tek til i stillinga.

Kenneth Eikeset tek over for Marianne Lund Andersen som har vore konstituert i stillinga som klinikkdirektør i klinikk for psykisk helsevern sidan februar 2011.

- Gode kandidatar
Olav Klausen, konstituert administrerande direktør i Helse Fonna, er glad for at nye klinikkdirektørar for kirurgisk klinikk og klinikk for psykisk helsevern no er på plass.

- Vi har hatt gode søkarar til stillingane, og eg er svært nøgd med at Haaland og Eikeset no har sagt ja til klinikkdirektørstillingane, seier Klausen.