Torsdag 9. november var Kvalitetsdag i Helse Fonna, og dermed også dagen for utdeling av årets kvalitetspris. Førsteplassen i 2011 blei tildelt Fast track-teamet ved ortopedisk eining.
– Det var ”himla” kjekt, sa Dag Rune Sjøen Pedersen i Fast track-teamet (bildet) om utdelinga. – Flott at arbeidet vi har gjort blir sett pris på, og ein heider for ortopedisk eining. Premiepengane skal vi bruke godt i vidare arbeid og til teambuilding.
Andreprisen blei tildela prosjektet "Individuell plan for til kreftpasienter med åpen før-status" ved kar/thorax/mammae. Mottakarane Jenny Berit Hansen og Cathrine Støle var berre to store smil etterpå.
– Utruleg bra, nærast som å vinne cupfinalen, oppsummerar Jenny.
Også Maria Helena Huanca-Condori har grunn til å feire. Prosjektet ”Forbedring av den tidlige fasen av organdonasjonsprosessen” (ved Seksjon for intensiv og anestesi) tok tredjeplassen.
– Å få kvalitetspris var hyggeleg. Eg syns det er bra å få vise fram kva vi gjer.
FAKTA – Desse vant kvalitetspris i 2011
1. Ortopedisk seksjon: Fast track-teamet, ved Dag Rune Sjøen Pedersen (Premie: 20 000 kr)
2. Kar/thorax/mammae-seksjon: "Individuell plan for til kreftpasienter med åpen før-status", ved Jenny Berit Hansen og Cathrine Støle (Premie: 15 000 kr)
3. Seksjon for intensiv og anestesi: ”Forbedring av den tidlige fasen av organdonasjonsprosessen”, ved Maria Helena Huanca-Condori (Premie: 10 000 kr)
Publisert
11.11.2011 11:20 |
Endret
11.11.2011 11:33