Akutt-, rus og psykosebehandling, Valen 

Post A
Ein post for åtte kvinner og menn med omfattande rus- og psykiatriproblem utan særleg utagering.

Det er alltid personale på posten ein kan kontakte.

Målgruppe
Menneske med alvorlege psykiske lidingar som samstundes har ein omfattande rusbruk.

Mål for behandlinga

• Betre psykisk og fysisk helse
• Innsikt i eigen rusbruk
• Betre økonomiske– og sosiale forhold
• Betre sjukdomsinnsikt
• Tilpassa medikament i tillegg til auka kunnskap om verknad og biverknad av disse.
• Behandlinga består av
• Trening i daglege funksjonar
• Miljøterapi
• Medisinar
• Samtaleterapi
• Informasjon om sjukdomen
• Samtale med familie der det er aktuelt
• Ergoterapi
• Aktivitetar
• Aktivitetsrom med ulike formingsaktivitetar; veving, søm, snekring, silkemaling, keramikk, etc.
• Turar i parkanlegget, ved sjø, skog og fjell
• Kjøkentrening
• Utegruppe, vedgruppe, byggningsgruppe, trimgruppe og friluftsgruppe
• Treningsrom og tennisbane
• Onsdagstreff i Peisestova
• Symjing i symjehall (Husnes)
• Valekrossen skule; undervisning på grunn– og vidaregåande skulenivå
• Hytter i nærområdet
• Gymsal med blant anna moglegheit for klatring
• Posten driv med direkte pasientarbeid gjennom
• Utreiing
• Oppstart av behandling
• Nettverksarbeid
• Vurdering av vidare behandlingstiltak

Opphaldet vert planlagd i samarbeid med pasienten sitt nettverk.  Individuell plan er ein viktig reiskap i denne prosessen.

Posten skal representere eit tiltak i ei kjede av naudsynte behandlingstiltak mot eit lågare omsorgsnivå.

Til posten er det knytta

• Overlege: Psykiater
• Funksjonsleiar
• Psykiatrisk sjukepleiar
• Spesialsjukepleiar innan rus
• Sosialkonsulent
• Psykolog/psykologspesialist
• Miljøpersonal
• Aktivitør og fritidsleiar
• Prest  
• På sjukehuset er det
• Bibliotek/bokbuss
• Treningshyblar
• Kapell
• Rom for pårørande med småbarn; familiestova
• Læring- og meistringsenter

Tilvising
Gjennom fastlege til nærmaste DPS for vurdering eller direkte til post A.

Post C
Ein lukka akuttpost med åtte senger. Post C skal ta imot og vurdere alle øyeblikkelighjelp innleggingar i vårt opptaksområde.

Post K
Spesialeining for unge pasientar med alvorleg psykisk liding - 10 pasientar
Posten har 10 plassar og er ein lukka post på Valen sjukehus.

Målsetting
Post K høyrer til spesialisthelsetenesta og vår oppgåve er å gje hjelp til dei alvorlegast sjuke pasientane. Det er eit spesialisert tilbod til pasienar kor behandling på lågare nivå ikkje har ført fram. Vi tilbyr pasienten den behandling  som til ei kvar tid vert tilrådd til denne gruppa.

Vi tilbyr pasientane solid fagleg behandlarkompetanse og trygge omgjevnader. Det vert lagt vekt på å utvikle trygge og stabile relasjonar, slik at pasienten kan finne attende til fotfeste i livet.
Etterkvart skal våre behandlings – og tilnærmingsmetodar vidareførast på eit lågare behandlingsnivå, tds DPS eller poliklinikk.

Verdigrunnlag
Tilby pasienten stabilitet, tryggleik og forutsigbarheit.
Posten legg vekt på å bygge opp relasjonar, og å legge opp eit individuelt behandlingsopplegg.
Det vert lagt vekt på at pasienten skal oppleve meistring gjennom eigne erfaringar med bl.a daglege gjeremål, fysisk aktivitet og symptommeistring.
Familiesituasjon, nettverk og den sosiale situasjon til pasienten er viktig.
Pasienten sitt verde skal respekterast.
Kvar pasient skal verta møtt der han er, og vere med i planlegging og evaluering av eiga behandling.
Pasienten skal vere aktiv deltakande i eiga behandling.  
Behandlinsgsteamet består av psykologspesialist, psykiater, sosionom, einingsleiar og personalet i posten, som er sjukepleiarar, hjelpepleiarar og aktivitør.

Læring- og meistringsenteret (LMS)
LMS-teamet driv ambulerande verksemd innan opplæring av pasientar og pårørande i Helse Fonna.

Ergoterapi/fritid
Eining som har ansvar for tilbod av aktivitetar ved Valen sjukehus og Folgefonn DPS.

Vi nyttar aktivitet som mål og middel til betre fysisk og psykisk helse.

Ergoterapi-/fritidseininga ved Valen tilbyd aktivitetar på gruppenivå eller individuelt tilrettelagt ut frå kva pasientane sjølv etterpør og som ein veit har ei positiv verknad på plagene våre brukarar slit med. Me tilbyd våre tenester til Valen sjukehus og Folgefonn DPS døgn og dag.

Målsetting
Me skal driva ei behandlingsform som har til hensikt å betra og vedlikehalda pasienten sin fysiske, psykiske og sosiale situasjon ved ein målbevisst bruk av formgjeving, trim og friluftsliv, kunst-og kulturaktivitetar og praktiske daglege gjeremål basert på pasienten sin eigeninnsats.

Vi tilbyr pasientane tilrettelagte aktivitetar i trygge omgjevnader. Det vert lagt vekt på at pasientane skal få oppleva mestring og kjensla av å utvikla seg, slik at ein får visa for seg sjølv og andre at ein kan noko, har evner. Dette er med og gjev sjølvtillit og overskot som gjer ein betre rusta til å jobba med plagene/problema. Me gjev pasientane ein del reiskap/kunnskap/strategiar til å meistra eigne plager.

Faste tilbod

Aktivitetsrom
Her kan ein arbeida med det meste innan handarbeid. Me nemner lappeteknikk, treaktivitetar, silkemaling, stikk/hekling, saum/broderi, sølvsmykker, perlesmykker, glassmykker, innramming, toving…        

Treningskjøkken
Kurstilbod 3 dagar pr veke, tirs-tors. 4 veker varigheit. Ein planlegg og gjer innkjøp, lagar mat, bakar, et i lag og ryddar opp. Kostrettleiing og hygiene er viktige faktorar. Det sosiale vert vektlagt.

Snikkerverkstad
Her kan ein laga treprodukta ein ønskjer under kyndig rettleiing. Dersom ein ikkje ønskjer laga til seg sjølv har me ein viss produksjon. Me nemner benkar, bord, sagkrakkar, fuglebrett, halvfabrikata til arbeidsstova…

Fysisk aktivitet
I Velferdsbygget har me klatring, aerobic og ballspel til faste tider kvar veke. I tillegg har postane og skulen eigen bruk.

Treningsrommet har etterkvart fått bra med apparat kor idrettspedagog har faste tider kor ein kan få treningsrettleiing. Ein kan trena utanom tidene og, men då med følgje.

Det vert turar kvar dag. I tillegg arrangerer me lengre turar i nærmiljøet to dagar i veka.   

Utearbeid
Frå tid till annan har ein utegruppa ved arbeidsstova. Då arbeider ein med vedlikehald av parkområde på sjukehuset. I tillegg har ein brubyggjarane kor ein legg til rette for lokalt friluftsliv ved å rydda skog laga grøfter og bruer.

Friluftsliv
Me har faste turar kor vi brukar skog og fjell i nær område og lagar mat over bål. Sjukehuset har og hytter på fjellet  kor ein arrangerer overnattingsturar. Her er ein del gode fiskevatn. Det er to båtar på sjøen.

Arrangement og festar
Gjennom året vert det arrangert eindel turar og festar.

Vi nemner

• I februar er det vinteraktivitetar på Kvamskogen.
• Mars/april er det vinteraktivitetsveka på Golsfjellet.
• April er det vårfest og dugnad i parken.
• I mai er det aktivitetsdag, 17-mai-feiring, friidrettsdag på Skansemyren, Blåtur.
• Juni er det Knappenløpet og dugnad ved sjøen, samt St. Hansfeiiring.
• I august har me Moro ved sjøen.
• September aktivitetsdag.
• Oktober er det haustfest.
• I november er det julesal av tilverka produkt frå arbeidsstove og snikkerverkstad.
• Desember er juletrefest og nyttårsfest.