Behandlingshjelpemiddel 

Seksjonen administrerer alle bestillingar av behandlingshjelpmiddel frå legespesialist internt og eksternt, og iverkset tiltak slik at pasienten får hjelp. Fagpersonell tilsett i seksjonen sikrar at opplæring er gitt før utlevering av utstyr/forbruksmateriell blir gjort.

Personalet i seksjon for behandlingshjelpemiddel bidrar med råd, rettleiing og opplysningar i dialog både med pasient, pårørande og kommunehelsetenesta.

Vi samarbeider med Medisinsk teknikk og fysikk og sikrar at utstyret blir kontrollert og vedlikehaldt. Vi benyttar datasystemet MERIDA og har til ei kvar tid oversikt over kven som har rekvirert utstyr, kven som har, får og når de har fått utlevert behandlingshjelpemiddel.

Innkjøp blir organisert og styrt av felles innkjøpsavtalar i Helse Vest og vi leverer det meiste av utstyr og forbruksmateriell direkte frå eige lager til pasient. Ordninga går inn som ein del av dei samla prioriteringane som skjer i helseføretaket.