BUP Poliklinikk 

Tilstandar kan vere:

• Affektive tilstandar, som depresjon, bipolaritet.
• Angsttilstandar
• Obsessiv-kompulsiv tilstand
• Psykosomatikk
• Spiseforstyrringar
• Speleavhengige
• Sjølvskading
• Traume og tilpasningsforstyrringar
• Forstyrringar/vanskar i personlegdomsstrukturen
• Psykosetilstandar
• Gjennomgripande utviklingsforstyrringar(autismespekterlidingar inkl. Asperger)
• Tourette/tics tilstandar
• Språkforstyrringar
• Relasjonsforstyrringar (tilknytningsforstyrringar)

BUP Stord har spesifikk behandlarkompetanse på fleire område.

Vi kan gi tilbod om individualbehandling, familie og/eller gruppebehandling. Fokus er i hovudsak  korttidbasert tilnærming, men og langtidsterapeutisk behandling om dette er naudsynt. Om det er naudssynt og tilrådeleg med medikamentell behandling, blir dette gjennomført i samarbeid med barnet/ungdommen og føresette.

Vi legg vekt på anerkjente behandlingsmetodar som  er  forskningsbasert, og med individuell tilrettelegging for kvart einskild menneske og deira livssituasjon.

I tillegg til dei to generelle teama på poliklinikken har vi andre miniteam organisert under hovudteama:

Utgreiingssteam
Vi har eit eige team som arbeider med hovudvekt på:
ADHD problematikk (hyperkinetisk forstyrrelse)

Utgreiinga  består i kartlegging av funksjon både på skule og heime, barnet si utviklingshistorie, kognitiv fungering, eventuelle kjenslemessige vanskar, skuleobservasjonar og samarbeid med føresette og skule,  og eventuelt andre hjelpeinstansar. Mange barn og unge kan òg ha lærevanskar i tillegg.

Teamet gir individualbehandling etter utgreiing til enkelte pasientar. Dette kan vere i form av anten kortids- eller langtidsterapi, og om det er indikasjonar for det vil ein òg vurdere medikamentell behandling.

Etter ei utgreiing blir det gitt rettleiing til barnet/ungdommen og føresette. Vidare vil vi gi skole og andre samarbeidsinstansar ei tilbakemelding, og rettleiing. Om føresette og barnet/ungdommen ønskjer det, startar ein arbeidet med indviduell plan for og bidreg til at det blir igangsett tiltak som er tenlege.

Småbarnsteamet
Dette teamet arbeider med aldersgruppa 0-6 år, og har spesialkompetanse på denne aldersgruppa. Teamet har eit særleg fokus på dei minste og mest sårbare barna.  Småbarnsteamet samarbeider med psykisk helsetilbud for vaksne for å gi tilbod til gravide og småbarnsforeldre som har, - eller har hatt, psykiske vanskar og/ eller rusproblem. Dei gjer tilbod til barn, foreldre og familiar som strevar med:

• Samspel
• Angst og sorgvanskar
• Kroppsleg uro
• Utviklingsvanskar
• Vanskar med sosial kontakt
• Vanskelege erfaringar i livet

Under dagsutgreiingane gjer ein:

• Observasjon av leik og samspel mellom barn og vaksne, både inne og i lek ute.
• Utgreiing av evner, språk og utvikling
• Medisinsk utgreiing
• Hjelp til å forstå vanskane
• Oppstart av behandling og rettleiing
• Samarbeid med andre instansar og hjelparar i kommunane

PMTO-team

PMTO er ein eigen behandlingsmetodikk. PMTO står for parent managment training, og er eit rettleiingsprogram for føresette. Ein velkjend og effektiv metodikk for barn mellom 3-12 år med åtferdsvanskar, ADHD problematikk og andre eksternaliserande symptom.