Haugaland DPS 

Haugaland DPS består av ein allmennpsykiatrisk poliklinikk, eit poliklinisk psykoseteam og tre døgnavdelingar for psykoseproblematikk og allmennpsykiatri.

Tenestetilbodet omfattar mellom anna akutt ambulant team (AAT), team for tidleg intervensjon ved psykiske lidingar, psykoseteam og team for affektive lidingar.

Haugaland DPS samarbeider nært med kommunane, gir råd og rettleiing til aktuelle samarbeidspartnarar, yter polikliniske og ambulerande tenester på spesialistnivå, og tilbyr både korttidsopphald ved kriser og lengre opphald for behandling og rehabilitering.

Mål for behandlinga
Etter eit døgnopphald ved Haugaland DPS skal pasienten totalt sett få styrka sin livskvalitet og oppleve betring på følgjande område:

• Symptombetring og reduksjon av sosialt stress.
• Auka eigeninnsikt og sjukdomsinnsikt.
• Styrka sjølvbilde med auka evne til meistring og evne til å ta ansvar for eige liv.
• Betre funksjon sosialt, samfunnsmessig, kulturelt, yrkes- og sysselsettingsmessig.

Familieperspektivet blir vektlagt, med særleg fokus på barn av psykisk sjuke foreldre via Barne- og familieprogrammet.

Sjå også Kunnskapsbasert flerfamiliegruppe ved psykosesjukdom/schizofreni.

Individuell plan skal også prioriterast når pasientane har langvarige og samansette behov. Les meir om individuell plan.