Merkantil eining Karmøy- og Haugaland DPS 

Arbeidsoppgåver
Sentralbordbetjening er ei av våre viktigaste oppgåver, og her er vi klinikkens ansikt ut.

Vi har felles skriveteneste på tvers av einingane uavhengig av geografisk plassering. Dette inneberer ofte store utfordringar, men også meir variasjon i arbeidet.

Vi har fortløpande kontroller med at daglege gjeremål blir utført i vårt elektroniske journalsystem, og vi innehar ein støttefunksjon i forhold til oppgåver som skal utførast i avdelingane.

I tillegg kvalitetssikrar vi at data som skal vidarerapporterast blir riktig registrert i vårt elektroniske pasientdatasystem DIPS.

Vi har også ansvar for riktig registrering og skanning av tilvisingar, og at desse blir vidaresendt til aktuell behandlar for vurdering.

All pasientrelatert korrespondanse blir handtert av merkantilt personell.

Tilkalling av ekstravaktar og turnusarbeid er også ein av dei merkantile oppgåvene.

Mål
Vår hovudmål er å vere mest mulig serviceinnstilt overfor både publikum og tilsette i Helse Fonna.

Vi legg vekt på å ha eit triveleg arbeidsmiljø med allsidige oppgåver slik at arbeidsdagen vår blir variert og meiningsfull.