Karmøy DPS 

Behandlingstilbod
Våre hovudoppgåver er utgreiing, diagnostisering, behandling og rehabilitering av pasientar med ulike psykiske lidingar, inkludert rusproblem.

I tillegg samarbeider vi nært med kommunane, gjev råd og rettleiing til aktuelle samarbeidspartnarar, yter polikliniske og ambulerande tenester på spesialistnivå, samt tilbyr både korttidsopphald ved kriser, og lengre opphald for behandling og rehabilitering. Vi har eit særleg fokus på barn av psykisk sjuke.

Avdelingar
Tverrfagleg spesialisert behandling av rusproblematikk - døgnavdeling og poliklinikk.
Psykoseavdeling med sju senger.
Felles allmenpsykiatrisk poliklinikk  og psykoseteam med Haugaland DPS.

Mål for behandlinga
Etter eit døgnopphald ved Karmøy DPS, skal pasienten totalt sett få styrka sin livskvalitet, og oppleve betring på følgjande område:

• Symptombetring og reduksjon av sosialt stress
• Auka eigeninnsikt og sjukdomsinnsikt
• Styrka sjølvbilde med auka evne til meistring og evne til å ta ansvar for eige liv
• Betre sosial, samfunnsmessig, kulturell, yrkes- og sysselsettingsmessig fungering.

I den forbinding vert familieperspektivet vektlagt, med særleg fokus på barn av psykisk sjuke foreldre via Familie-og barneprogrammet.

Sjå også Kunnskapsbasert flerfamiliegruppe ved psykosesjukdom/schizofreni.

Individuell plan er også noko som skal prioriterast når pasientane har langvarige og samansatte behov.