DPS Stord 

Stord DPS og BUP (barne- og ungdomspsykiatrisk) held til i lokalar som ligg like ved Stord sjukehus.

Ved Stord DPS har ein ulike behandlingsteam:

Allmennteam
Utgreiing for tilstandar, samtaleterapi og vurdering av behandling med medisinar.

Rehabiliteringsteam med ambulerande tenester
Teamet arbeider med pasientar som har samansette og langvarige lidingar. Vi arbeider med pasienten både poliklinisk (pasienten kjem til Stord DPS for behandling) og i heimen. Vi samarbeidar tett med
rehabiliteringsposten ved døgnavdelinga, med NAV
og med helsetenesta i kommunen.

Gruppeteam
Vi tilbyr ulike kurs og gruppebehandling for å
styrkje pasienten si evne til eiga meistring
og læring.

Døgnavdeling
Avdelinga har tilsaman 14 senger fordelt på
allmennpsykiatrisk post og rehabiliteringspost.
Vi tilbyr varierte behandlingsopplegg og individuelt tilpassa behandlingsplanar.

Ytre Sunnhordland Samhandlingsteam (YSS)
Eit samarbeidsprosjekt mellom Stord DPS og kommunane som er retta mot personar som fell utanfor etablerte behandlingstilbod. Teamet er aktivt oppsøkjande og samarbeidar tett med andre instansar.

Dette kan du forvente av oss:

• At vi gjer ei utgreiing og kartlegging av din situasjon med gjennomgong av symptom og di historie. Sjølvmordsfare og rusbruk blir alltid kartlagt. Vi er også opptekne av korleis barna dine har det, dersom du har barn.
• At du blir informert om kva arbeidsdiagnose som er sett, og kva behandlingstiltak som er aktuelle.
• At vi saman med deg lagar ein plan for behandling som inneheld mål og tiltak, og som jamleg blir evaluert.
• Pasientar med behov for langvarige og koordinerte tenester har rett på individuell plan. Stord DPS kan saman med deg vudere behov for ein slik plan og eventuelt delta i samarbeid med andre instansar.

Dette forventar vi av deg:

• At du er ein aktiv deltakar i behandlinga.
• At du er open og ærleg om deg sjølv i behandlingsopplegget og gir oss opplysningar som er relevante for behandlinga.

Brukarråd ved Stord DPS
Brukarrådet er til for pasientar og pårørande og er eit rådgivande organ for leiinga ved Stord DPS. Rådet er sett saman av fire brukar-
representantar og to vara, samt tre fagpersonar.
Helse Fonna ønskjer reell brukarmedverknad og brukarrådet er difor representert på leiarmøtet ved Stord DPS ein gong i månaden.
Last ned brosjyren til brukarrådet.

Rammer, lovverk og klageinstansar
Stord DPS er styrt etter Lov om psykisk helsevern av 2001 og Spesialisthelsetenestelova. Lova skal sikre at tiltaka som blir brukt i behandlinga tek utgangspunkt i pasientane sine behov og menneskeverd.

Pasientombod
Alle fylke har eit pasientombod som gir råd og rettleiing til pasientar og pårørande som har klagesaker. Ombodet kan kontaktast via telefon, brev eller direkte frammøte. Ombodet har kontordagar på Stord sjukehus. Felles informasjonssider: www.pasientombodet.no
Kontaktinformasjon:
Pasientombodet i Hordaland
Lars Hilles gate 19, 5008 Bergen
Tlf: 55 21 80 90.