Læring inneber relativt varig endring av kunnskap, dugleik og haldningar. Meistring handlar om opplevinga av å ha krefter til å møte utfordringar, og kjensla av å ha kontroll over eige liv.
For menneske med kroniske sjukdomar, fysisk og psykisk, er Lærings- og meistringssenteret
- Eit kurssenter og ein samarbeidsverkstad
- Ein møteplass
- Eit aktivt informasjonssenter der brukar, pårørande og fagpersonell er likestilte og lærer av kvarandre.
Her kan du
- Lære å meistre livet med kroniske sjukdomar på ein betre måte
- Utveksle kunnskap og erfaring i samspel med andre – brukarar, pårørande og fagpersonar
- Oppleve at du er ein ressurs – anten du er brukar eller pårørande
Om LMS
Våre kurstilbod rettar seg mot både barn og vaksne. Dei bygger på tverrfagleg samarbeid og samarbeid med brukarorganisasjonane. Dei ulike kursa blir utvikla, gjennomført og evaluert i samarbeid med erfarne brukarar, fagpersonell og Lærings- og Meistringssenteret.
Lærings- og Meistringssenteret har ansvar for å gi opplæring til pasientar og pårørande. Lov om spesialisthelsetenesta § 3-8 seier at slik opplæring er ei av spesialisthelsetenesta sine hovudoppgåver saman med behandling, forsking og utdanning.