Nettverk for forsking på behandlingsliner og samhandling 

Vår målsetting er å auke kunnskapen om ulike samhandlings- og koordineringsintervensjonar. Gjennom internasjonale samarbeid med mellom anna European Pathway Assosiation drar vi nytte av kunnskap og erfaringar frå større forskingsmiljø. Nettverket er leia av dr. med Eva Biringer, og er finansiert av Samarbeidsorganet i Helse Vest og Helse Fonna HF.

Organisering og samarbeidspartnarar

Nettverket har seks tilsette, og 11 prosjekt i porteføljen. Nettverket er organisert med eit råd med medlemmar frå regionen og eit ekspertpanel av forskarar og fagpersonar med stor relevant forskingserfaring på feltet. I tillegg har nettverket nasjonale og internasjonale samarbeidspartnarar.

Aktiviteter

Sidan opprettinga i 2009 har nettverket arrangert ei rekkje workshop, seminar og kurs med formål å stimulere til forsking og å spre kunnskap om fagfeltet behandlingsliner og samhandling.