Akuttposten ved Valen sjukehus gi akutt psykiatrisk hjelp til personar over 18 år. Tilbodet består av akutt allmennpsykiatrisk vurdering, diagnostisering, behandling og pleie.
Opphaldet på akuttposten er av kort varigheit. Etter eit opphald på akuttposten blir pasienten overført til andre sjukehusavdelingar eller utskriven med oppfølging frå eit distrikt psykiatrisk senter (DPS) eller frå kommunehelsetenesta.
Akuttposten tek imot alle pasientar som frivillig ønskjer behandling og pasientar som er underlagt tvungent psykisk helsevern.
Akuttposten har i oppgåve å ta i mot, ta vare på og behandle menneske i den akutte fasen av ei psykisk liding. Målsetjinga er å gje rask og fagleg kompetente vurderingar som kan danne eit grunnlag for vidare diagnostikk og behandling.
På sengeposten frå du tildelt behandlar og miljøkontakt. Behandlar kan vera psykiater, psykologspesialist eller lege i spesialisering. Miljøkontakt er oftast sjukepleiar eller hjelpepleiar. Posten har også knytt til seg sosionom.
Adresse
Valen sjukehus
Post C
Sjukehusvegen
5451 Valen
Telefon
53 46 64 00 (sentralbord)
Publisert
16.12.2011 13:11 |
Endret
27.01.2012 12:31