Kjell Magne Lie er årets sjukepleiar i Rogaland
Sidan OL på Lillehammer har han smilande vore der for alle pasientane sine på sjukehuset. Det er lagt merke til.
Med krona på: Kjell Magne Lie blei skikkeleg feira som årets sjukepleiar i Rogaland. (Alle foto: Eirik Dankel)
– Eg er i sjokk enno. Ingen hadde sagt noko til meg.
Det heile skjer i 5 Vest på Haugesund sjukehus. Ein svært overraska prisvinnar står på eit pauserom pynta til Årets sjukepleiar-fest. I rommet, og korridoren utanfor, står kollegaer. Dei ler, syng, klappar og står i kø for å gratulere.
Å bli satt pris på
Akkurat det handlar prisen om.
– Eg føler at eg blir satt så stor pris på, seier Kjell Magne.
– Dessutan trivst eg skikkeleg godt på jobb, og har så lyst til at fleire skal velje å jobbe i helsevesenet med alle moglegheitene vi har her.
Dette er andre året på rad ein sjukepleiar i Helse Fonna får prisen. Lene Stavland vann i fjor.
Kollegaene hadde laga eigen sang til årets sjukepleiar.
Kunnskap, formidling og så det der humøret
Din kunnskap og erfaring er formidabel, står det i notata til klinikkdirektør John Conrad Brandsø.
Det har gjennom årene gitt tryggheit til både leger, andre sjukepleiarar og ikkje minst pasientane.
«Du kan setje deg ned med pasientane og gjennom bilete forklare samanhengar mellom dei funn som føreligg og dei utfall pasientane har. For mange er dette ein enormt viktig og tryggande faktor», heiter det frå talen.
Gratulerer så mykje med dagen!
Frå kollegaer
Det var kollegaene Linn Heiberg og Marit Neshavn som foreslo Lie som årets kandidat. Her er noko av kva dei sende NSF Rogaland:
"Kjell Magne er en bauta ved nevrologisk sengepost på Haugesund Sykehus. Her har han behandlet tre generasjoner slagpasienter i tilnærmet 30 år. Med sitt gode humør og unike positive innstilling er han en gledesspreder på avdelingen. Ikke bare sprer han en god dose solskinn i en hektisk hverdag, han brenner for faget og deler gjerne av sin endeløse kunnskapsbrønn.
Som Kjell Magnes pasient kan du være sikker på at han alltid gjør det lille ekstra. Med sin evne til å balansere kunnskap og omsorg tar han seg alltid tid til gode, informative samtaler med pasienter og pårørende på en faglig og samtidig, lettfattelig måte.
Kjell Magnes evne til å lære fra seg har, selvsagt, utallige studenter fått nyte godt av. Flere av oss som jobber ved avdelingen har begynt å jobbe her nettopp fordi vi har gode praksiserfaringer med Kjell Magne som veileder. Som praksisveileder er Kjell Magne, mildt sagt, en levende legende. Når studenter og praksislærere ca. to ganger i halvåret gjør sitt inntog på avdelingen kommer det alltid håpefulle spørsmål om Kjell Magne fortsatt jobber ved avdelingen."
Vinnaren med beviset på at han er årets sjukepleiar i Rogaland.