Ring 113 for akutt helsehjelp
Du kan alltid ringje 113 dersom du trur at ein sjukdom, skade eller situasjon er alvorleg. Det er ikkje alltid så lett å vurdere. Då er det viktig at du ringjer likevel.
Ambulanse og AMK
Ambulansetenesta rykker ut når personar har behov for akuttmedisinsk behandling utanfor sjukehus og når pasientar treng båretransport til nødvendig undersøking eller behandling. Ambulansetenesta er koordinert av AMK-sentralen (akuttmedisinsk kommunikasjonssentral) som sørger for at personar med akutt sjukdom eller skade får hjelp, råd og rettleiing til sjølvhjelp inntil ambulanse er på plass.
Ved alvorlege og livstruande skader, ring 113.
Ved andre tilstandar, kontakt legevakt på telefon 116 117 eller ta kontakt med din fastlege.
Dekningsområde
I Helse Fonna dekker ambulansetenesta og AMK 18 kommunar i Nord-Rogaland, Sunnhordland, Indre Hardanger og Ryfylke. Innbyggartalet i området vårt er om lag 180 000.
Avdelingsleiar prehospital avdeling: Svein Oddvar Moen
Assisterande avdelingsleiar: Lene Hetland
Telefon 52 73 20 00 (sentralbord)
Geografiske driftseiningar (GDE):
- Haugesund og Karmøy, leiar Bjørn Skjoldevik Johnsen
- Kvinnherad, Odda og ambulansebåt, leiar Frode Nygård
- Vindafjord, Sauda og Suldal, leiar Tore Samdal Lund
- Stord, Bømlo og Tysnes, leiar Geir Røssland
Medisinskfagleg rådgivar: Alf Stolt-Nielsen Reksten
Leiar AMK: Torbjørn Nornes
Ambulansetenesta
Vi har:
- Ti ambulansestasjonar
- 16 døgnbilar og to dagbilar
- Seks beredskapsbilar
- Ambulansebåt
- Legebil
- Helseekspressen som går mellom Haugesund sjukehus og Haukeland sjukehus
Ambulansetenesta i Helse Fonna hadde om lag 23 000 oppdrag i 2024. Av desse var 8800 akutte. Same året køyrde Helse Fonna sine ambulansar om lag 1,1 millionar kilometer.
Ambulansetenesta i Helse Fonna nyttar i enkelte tilfelle helikoptertenestar frå Helse Stavanger og Helse Bergen til transport av kritisk sjuke eller skadde pasientar.
AMK-sentralen
AMK (Akuttmedisinsk kommunikasjonssentral) tar imot alle nødmeldingar (113-samtaler) frå publikum i dekningsområdet til Helse Fonna.
AMK er knytt til naudnett, ei sambandsløysinga for brann, politi og helseteneste. Naudnettet sikrar at naudetatar og andre beredskapsaktørar får samtidig informasjon om ein hending, og gjer det enklare å koordinere og samordne innsatsen på ein skadestad.
AMK-sentralen er lokalisert i Haugesund og er bemanna heile døgnet.
I 2024 hadde AMK-sentralen om lag 20 700 113-samtalar (nødsamtalar).
Legebil
Helse Fonna har ein legebil som er bemanna av akuttlege (anestesi) og ambulansemedarbeidar. Legebilen er i drift på dagtid.
Den er spesialtilpassa og rigga med avansert medisinsk akuttutstyr som gjer det mogleg å gi intensiv behandling til akutt sjuke eller skadde personar. I bilen er det blant anna akuttsekk, sprøytepumper, multimonitor og respirator. Dette er utstyr som ikkje er tilgjengeleg i ambulansar.
Slik kan akuttlegen og ambulansemedarbeidaren i legebilen tilby meir avansert behandling enn det som er mogeleg i vanlege ambulansar.
Legebilen er lokalisert i Haugesund og mest brukt på Haugalandet.
