Tilvising til alderspsykiatrisk sengepost

Innhald i tilvising

Eksempel på pasientar som skal tilvisast til alderspsykiatri:

• demensjukdom som er diagnostisk uavklart, kor det også er behov for behandling av atferdsmessige og psykologiske symptom ved demens (APSD). Uavhengig av alder.
• Har demens og samtidig psykisk liding.
• Nevropsykiatriske symptom ved demens.
• Debut av alvorleg psykisk liding hos eldre over 65 år.
• Debut av rus- og avhengigheitsproblematikk hos eldre over 65 år (evt. også yngre pasientar viss mange samansette sjukdommar).
• Eldre pasienter med kronisk psykisk liding som får ny episode med psykisk liding.

Dersom pasienten allereie har kjent kronisk psykisk liding

Distriktspsykiatriske sentre vil vere rett instans for pasientar over 65 år med allereie kjent kronisk psykisk liding.

Anbefalingar dersom legen er i tvil

Drøft med, eller tilvis pasienten til innlegging ved distriktspsykiatrisk senter (DPS) eller alderspsykiatrisk avdeling, dersom:

• det er tvil om det foreligg ei psykisk liding hos ein eldre pasient,
• fastlegen/tilsynslegen har iverksatt tiltak som ikkje har betra tilstanden.

Typiske pasientforløp

Eit typisk pasientforløp i alderspsykiatrisk spesialisthelseteneste kan vere:

• Fastlege, sjukeheimslege, psykiatriske akuttavdelingar, somatiske avdelingar eller andre, tilvisar til alderspsykiatrisk spesialisthelseteneste kor tilvisinga blir vurdert.
• Dersom pasienten vurderast til å ha rett på helsehjelp, kan utgreiinga bli gjort enten poliklinisk, ambulant (der pasienten er), eller ved innlegging på sengepost.
• Utgreiing og behandling er tverrfagleg med bidrag frå legar, psykolog, sjukepleiarar, vernepleiarar, helsefagarbeidarar, fysioterapeutar, ergoterapeutar, sosionomar og andre samarbeidspartnarar. Dette vil vere etter pasienten sitt behov. Det blir utarbeida behandlingsplan tidleg i forløpet.
• Ved innlegging på sengepost vil det bli arrangert samarbeidsmøter, både med pårørande og med aktuelle ledd i primærhelsetenesten. Samhandlinga er svært viktig for å tilstrebe riktig oppfølging etter utskriving.
• I nokre tilfeller er det behov for poliklinisk oppfølging etter utskriving, ofte i samarbeid med pårørande og primærhelsetenesten.

Forklaring av begrep

Alderspsykiatri er ein spesialitet med utvida kunnskap og viten om: 

• aldring og psykiske lidingar og somatiske sjukdommar, 
• samspelet mellom somatisk sjukdom og psykisk liding med debut etter fylte 65 år,
• bruk av legemiddel hos eldre over 65 år.

Alderspsykiatri kjenneteikna av komplekse og samansette problemstillingar, der element av psykisk liding, somatisk sjukdom, degenerative hjernesjukdommar med kognitiv svikt, rusmiddelavhengegheit, polyfarmasi (bruk av mange legemiddel samtidig) og aldersforandringar kan vere til stade samtidig.

Fagområdet ligg i grenselandet mellom vaksenpsykiatri, geriatri, nevrologi og allmennmedisin, og har mykje til felles.