Hjertepoliklinikk, Haugesund sjukehus
Hjertepoliklinikk, Haugesund
Vi har stor pågang ved hjertepoliklinikken med nye tilvisingar og mange på venteliste for kontrollar. For å unngå forsinkingar er vi avhengig av at tilvisingane har god kvalitet.
Kven kan bli tilvist til oss?
- Pasientar med nyoppdaga hjartesvikt.
- Pasientar med kjent hjartesvikt som har ei forverring av sjukdommen.
- Pasientar med symptomgivande hjartesvikt i større og mindre grad.
Tilvisinga må innehalde
Tilvisingar til hjertepoliklinikken skal innehalde:
- Tidlegare sjukdommar (relevante).
- Funksjonsnivå: Er stort sett aktuelt hos eldre.
- Symptom: Karakter, lokalisering, aktivitetsrelatert, kvileplagar, hyppigheit, varigheit, forverring.
- Risikofaktorar: Hyperkolestrolemi, hypertensjon, diabetes mellitus, familieanamnese, røyking, overvekt (BMI > 25).
- Klinisk undersøking.
- Puls og Blodtrykk.
- EKG – Leggast ved tilvisinga.
- NT-Pro BNP: Ved dyspne og/eller mistanke om hjartesvikt.
- Fastande total-kolestrol, LDL-kolestrol, HDL-kolestrol, triglycerider: Ved brystsmerter, dyspne, mistanke om hjartesvikt, mistanke om familiær hyperkolestrolemi.
- Medikamentliste.
- Behov for tolketeneste.
- MRSA, VRE, ESBL – prøve: Dersom kontakt med helsevesenet utanfor Norden siste 12 månader.
Symptom- og/eller sjukdomskategori kan variere frå pasient til pasient, men fleire av punkta vil gjelde for mange.
Sist oppdatert 23.02.2026