Klagebehandling i avdeling for laboratoriemedisin
Avdelinga brukar tilbakemeldingar frå brukarar som eit ledd i arbeidet med kvalitetsforbetring.
Korleis melder du frå?
Du kan klage skriftleg eller munnleg.
Skriftleg klage
Bruk eDialog via Helse Fonna for klager som inneheld konfidensielle opplysningar.
Generelle tilbakemeldingar utan konfidensiell informasjon kan sendast via tilbakemeldingar i laboratoriehandboka (Lab Helse Fonna).
Munnleg klage
Ta kontakt med ein tilsett i avdeling for laboratoriemedisin for å melde. Alle klager blir registrert i vårt system for uønska hendingar. Når det gjeld munnlege klager, vel du sjølv om du vil oppgi kontaktopplysningar. Kontaktopplysningar er naudsynt om du ønskjer tilbakemelding på klaga.
Avdelinga si handtering av klager
Alle klager blir behandla innan kort tid. Når meldar har oppgitt kontaktopplysningar, vil ein få tilbakemelding om utfall av klaga og evt tiltak innan tre veker.
Pasientrettar, val og moglegheiter
Meir informasjon om dine rettar som pasient finn du på Rettar, val og moglegheiter - Helse Fonna HF.