Vi tilrår at du alltid nyttar siste versjon av nettlesaren din.

Astmaskole - Lungeavdelinga, Haugesund sjukehus

Rettar og ytingar

Sjå ordningar som kan vere aktuelle når du treng helsehjelp, behandling eller støtte i kvardagen. Her finn du også ei oversikt over kven som kan hjelpe deg vidare, og kvar du finn meir informasjon.

Reise- og opphaldsutgifter

For å få reisegodtgjersle må avstanden til behandlingsstaden vere over 10 km kvar veg og/eller koste meir enn lokal minstetakst med rutegåande transport.

Hovudreglar:

  • Du får dekt reiseutgifter med kr 3,20 per kilometer, uavhengig av transportmiddel.
  • Eigenandel er kr 171,- per veg fram til du får frikort.

Ved kortare reiser eller reiser innanfor sone for minstetakst, må behandlar dokumentere at det var nødvendig å bruke bil eller drosje av helsemessige grunnar.

Ved dokumentert behov for bruk av eigen bil kan parkering, bompengar og eventuell piggdekkavgift òg dekkjast. Dette må dokumenterast med legeerklæring og kvitteringar.

For spørsmål: Kontakt Pasientreiser på telefon 05515. Du finn også informasjon på Pasientreiser - Helsenorge

Lege kan legge inn reiseattest for bruk av eigen bil eller behov for drosje. Attesten kan vare i inntil eitt år.

Dersom du av helsemessige eller trafikale grunnar ikkje kan bruke offentleg transport, køyre sjølv eller bli køyrd, kan du ha rett på rekvirert reise. Kontakt den som har innkalt deg, så bestiller dei drosje.

Ledsagar – reise og opphald

Pasientreiser dekkjer reiseutgifter til ledsagar når lege bekreftar behovet. Dette kan òg innebere overnatting når sjukehuslege har godkjent dette.

Dersom ledsagar taper arbeidsforteneste må det dokumenterast med:

  • legeerklæring om ledsagarbehov
  • stadfesting frå arbeidsgivar om tapt arbeidsforteneste

Pasientreiser kan då yte inntil kr 172,- per time, i maks 8 timar per døgn.

Pasientar med livstruande sjukdom kan få dekt permisjonsreise heim frå sjukehusopphald i siste livsfase (§ 13 i sjuketransportforskrifta). Behandlande lege må bekrefte diagnosen.

For pasientar som skal vere innlagde i meir enn 14 dagar, kan barn under 14 år få dekt ukentlege besøksreiser.

Barn kan også få dekt reiseutgifter for å få nødvendig informasjon eller oppfølging av helsepersonell når foreldre eller søsken får helsehjelp – uavhengig av om dei er innlagde akkurat då.

Frikort

Du betaler eigenandel for følgjande tenester:

  • Lege
  • Konsultasjon i spesialisthelsetenesta
  • Psykolog/vaksenpsykiatri
  • Blå resept-medisinar
  • Reiser i samband med undersøking/behandling
  • Laboratorieprøver, røntgen og behandling
  • Fysioterapi, tannsjukdommar, rehabiliteringsopphald og behandlingsreiser i utlandet (tidl. frikort 2)

Når du har betalt totalt kr 3278,- (2026), får du automatisk frikort. Frikortet finn du på Helsenorge – din helse på nett - Helsenorge

Dei fleste behandlarar og apotek kan sjå dette elektronisk. Frikort blir sendt i posten til brukarar som ikkje er digitale.

Støtte til tannbehandling

Hovudregelen er at du sjølv betaler tannbehandling. Men det finst unntak:

Du kan få støtte dersom du har:

  • meir karies enn normalt på grunn av munntørrheit (hyposalivasjon) som følgje av medisinbruk
  • mista tenner som følgje av munntørrheit og karies – då kan protetisk behandling dekkjast
  • tannkjøttsjukdom (periodontitt) – deler av behandlinga kan dekkjast

Stønaden gjeld innanfor fastsette takstar.

Tannlegen vurderer om vilkåra er oppfylt og sender rekninga til Helfo.

Sjukepengar

  • Du må ha vore i arbeid i minst 4 veker.
  • Arbeidsgivar betalar sjukepengar dei første 16 dagane.
  • Ved stort fråvær pga. langvarig/kronisk sjukdom kan ein søke om fritak frå arbeidsgivarperioden.
  • Sjukepengar kan ytast i inntil 52 veker.
  • Grunnlaget kan ikkje overstige 6G.
  • Tidsgrensa er lik sjølv om du har vore delvis sjukmeld.
  • Ny rett opparbeidast etter 26 veker samanhengande i arbeid.
  • Du kan bruke eigenmelding og inntil 17 dagar sjukmelding i denne perioden.

Dersom du midlertidig ikkje kan reise til/frå jobb på grunn av sjukdom eller skade, kan du få reisetilskot frå dag 17. Reisetilskot kan òg kombinerast med gradert sjukmelding.

Sjølvstendig næringsdrivande: Får sjukepengar frå dag 17, med 75 prosent dekning av sjukepengegrunnlaget. Du kan teikne ekstra forsikring hos NAV.

Oppfølging av sjukmelde

Arbeidsgivar har hovudansvar for oppfølginga.

  • Innen 4 veker: arbeidsgivar skal lage oppfølgingsplan saman med deg
  • Innen 7 veker: arbeidsgivar kallar inn til dialogmøte 1
  • Innen 8 veker: NAV og sjukmelder vurderer om du kan vere delvis sjukmeld
  • Innen 6 månader: NAV kallar inn til dialogmøte 2

Arbeidsavklaringspengar (AAP)

  • Alder: 18–67 år, og du må bu og opphalde deg i Noreg.
  • Utgjer 66 prosent av sjukepengegrunnlaget.
  • Arbeidsevna må vere redusert med minst 50 prosent.
  • Meldekort skal sendast kvar dag (kan få fritak ved særskilde tilhøve, dokumentert av lege).
  • I arbeidsretta tiltak kan du få dekt utgifter som bøker, undervisningsmateriell, reiseutgifter, flytting, barnetilsyn, ekstra buutgifter.
  • Medlemskap i KLP/Statens pensjonskasse kan gi rettar dersom du har vore sjukmeld i meir enn eitt år.

Uføretrygd

  • Uføregraden må vere minst 50 prosent.
  • Ved lågare uføregrad enn 50 prosent: Sjekk eventuelt medlemskap i KLP/Statens pensjonskasse, som kan ha aktuelle ytingar.
  • Ved uførheit: Ta kontakt med fagforeining og/eller privat forsikringsselskap for informasjon om uføreforsikringar.

Hjelpestønad

  • Dersom du treng langvarig tilsyn og pleie frå pårørande (minst 2–2,5 timar per veke) på grunn av sjukdom, skade eller lyte, kan du ha rett på hjelpestønad (1 346,-/månad i 2026).

Transport

TT-kort

Dersom du på grunn av langvarig sjukdom (minst 1 år) ikkje kan bruke offentleg transport og heller ikkje kan køyre eigen bil, kan du søke om TT-kort for fritidsreiser (drosje). Søknaden blir sendt til fylkeskommunen.

Stønad til bil / spesialutstyr

Ved varig funksjonsnedsetting (før fylte 70 år) som gjer at du ikkje kan bruke offentleg transport, kan du søke NAV om stønad til bil. Du må avtale møte med NAV.

Parkeringstillatelse for forflytningshemma

Personar som ikkje kan gå, eller har store vanskar med å bevege seg over ei viss lengd, kan få parkeringstillatelse.

Søknad blir sendt til kommunen saman med legeerklæring.

Ved godkjent parkeringstillatelse kan du kontakte bomselskap for gratis passeringar.

Bustad

Kommunal bustad eller omsorgsbustad

Kontakt kommunen dersom du ønskjer å søke. Avdelinga kan eventuelt hjelpe deg vidare.

Utbedringstilskot

Dersom bustaden må tilpassast nedsatt funksjonsevne, kontakt kommunen for søknad. Søknad må sendast før arbeidet blir gjort.

Bustøtte

Bustøtte er ei behovsprøvd økonomisk støtte til boutgifter. Ordninga blir forvalta av Husbanken, men kommunen behandlar søknaden.

Individuell plan

Alle som har behov for langvarige og koordinerte helse- og/eller sosiale tenester, har rett på ein individuell plan.

Planen skal sikre målretta oppfølging og koordinering av tenestene.

Sjukehuset kan også starte arbeidet med planen.

Opphald på opptreningsinstitusjon

På nettsida til Helse Vest (www.helse-vest.no, under Behandlingstilbod) finn du informasjon om opptreningsinstitusjonane i regionen og kva pasientgrupper dei har tilbod for.

Fastlege eller spesialist kan sende søknad.

Opptreningsinstitusjonar for lungesjuke:

  • LHL på Nærland
  • Åstveit Helsesenter i Åsane

Andre mogelege støttespelarar

Det finst mange instansar som kan hjelpe i ein vanskeleg livssituasjon, til dømes:

  • Frisklivssentral
  • Frivilligsentralen
  • Røde Kors besøksteneste
  • Familievernkontor
  • Barnevernstenesta
  • Støttekontakt/personleg assistent
  • Lokale kyrkjelydar
  • Helsesjukepleiar (dersom det er barn i familien)
  • Pasientforeiningar

Barn som pårørande

Barn treng informasjon og god oppfølging. Sjukehuset kan hjelpe dykk med dette.

Nyttige ressursar:

Meir informasjon

  • NAV: nav.no – tlf. 55 55 33. Chat er tilgjengeleg for generelle spørsmål.
  • FFOs Rettighetssenter: juridisk rådgiving, telefon 23 90 51 55, rettighetssenteret@ffo.no
  • Pasientreiser: pasientreiser.no eller tlf. 05515
  • Helsenorge: på helsenorge.no finn du informasjon om rettar, innsyn i journalar m.m.
  • Norsk Helseinformatikk (NHI): informasjon om rettar og moglegheiter for pasientar og pårørande.
Sist oppdatert 17.03.2026