Astmaskole - Lungeavdelinga, Haugesund sjukehus
Trening som behandling
Forsking viser at jo meir du rører deg, desto betre blir kondisjonen din. Med betre pust og sterkare musklar orkar du meir, får betre rørsleevne og eit meir aktivt og fritt liv.
Fordelar med fysisk aktivitet
- Auka uthald (kondisjon)
- Auka muskelstyrke og muskeluthald
- Auka bevegelegheit og smidigheit
- Sterkare beinbygning
- Positiv effekt på humør og psykisk helse
- Auka overskot og ein sterkare kropp som står betre imot sjukdom
- Auka kjensle av kontroll over eigen situasjon
- Lettare å få opp slim
- Redusert kjensle av tung pust
Gode råd for fysisk aktivitet ved anstrengelsesastma
- Varm opp forsiktig i 15–20 minutt, eventuelt med varmemaske om det er kaldt. Startar du rett på hard trening, må du rekne med meir astmaplager.
- Ikkje press deg så hardt at du må stoppe opp og hive etter pusten.
- Når du er ferdig med treninga, bør du «springe deg ned» før du stoppar heilt.
- Dersom du ikkje er symptomfri under trening, kan du følgje dette rådet: Ta anfallsmedisin (beta2-agonist) 15–20 minutt før du startar treninga / går ut i kulda.
Sist oppdatert 11.03.2026