Informasjon til pasientar med Langtids Mekanisk Ventilasjon (LTMV)

Føresetnaden er at du har ein person hjelper deg med å sette på utstyret. 

Korleis kjem du i gang?

• Du vil motta eit innkallingsbrev frå lungepoliklinikken i posten.
• Du får samtale med lege. Samtalen skjer enten på telefon eller heimebesøk. 

Du får same oppfølging som på sjukehuset

• Nattleg måling av karbondioksid (CO2) og oksygen (O2). Målinga viser om pustemaskina er riktig innstilt for deg og ditt behov. 
• Blodgass og pusteprøvar.
• Nedlasting av data frå pustemaskinen.
• Sjukepleiar hjelper deg med opplæring og bruk av maske.  
• Samtale med lege om behandling og vidare plan.

Fordelar med heimesjukehus

• Spesialistbehandling i kjente og trygge omgivnadar.
• Du slepp transport til og frå sjukehuset.
• Du får vere med å påverke, og ta meir aktiv del i behandlinga. 
• Tilgang til erfarne legar og sjukepleiarar. 
• Du får sove i eige seng. 

Korleis fungerer heimesjukehuset?

Dag 1

Ein sjukepleiar kjem heim til deg med utstyret du skal sove med.

• Du, og/eller personen som skal hjelpe deg med utstyret, får skriftlig og muntlig opplæring om korleis utstyret skal brukast.
• Under kontrollen blir data frå pustemaskina henta ut, slik at helsepersonell kan sjå korleis ho har fungert.
• Det blir tatt blodgass og pusteprøvar.

Natt

• Du setter på utstyret rett før du legg deg, og tar det av når du vaknar.
• Utstyret skal vere på heile natta.

Dag 2

• Sjukepleiaren hentar utstyret.
• Du har ein samtale med behandlande lege på telefon.
• Du blir satt opp til ny poliklinisk time for oppstart av LTMV ved behov.