Tilvising til lungepoliklinikk
Vi har stor pågang ved lungepoliklinikken med nye tilvisingar og mange på venteliste for kontrollar. For å unngå forseinkingar er vi avhengig av at tilvisingane har god kvalitet.
Kven kan bli tilvist til oss?
- Pasientar med obstruktive lungesjukdommar, som KOLS og astma.
- Pasientar som treng utgreiing og behandling for lungekreft.
- pasientar med symptom og funn som gjer at ein mistenker andre lungesjukdommar (bronkiektasier, interstitiell lungesjukdom).
- pasientar som treng utgreiing for lungetuberkulose, jf. Nasjonal Tuberkuloseveileder sjå Tuberkulose – håndbok for helsepersonell - FHI
Tilvisinga må innehalde
- Ei grundig og konkret skildring av helseplagene pasienten blir tilvist for.
- Informasjon om andre sjukdommar.
- Informasjon om spirometri.
- Medikament pasienten brukar, eller har prøvd tidlegare.
- Blodprøvar (for eksempel allergikartlegging).
- Svar på radiologiske undersøkingar.
Vi vurderer tilvisingane ut frå opplysningane vi får. Dersom tilvisinga manglar viktig informasjon, kan det føre til at vi prioriterer feil hastegrad eller planlegg feil undersøkingar på lungepoliklinikken.
Sist oppdatert 24.09.2025