Økonomiavdelinga

Området har også ansvar for kostnadsstyring, økonomiske analyser og effektiv forvaltning av økonomiske prosesser og systemet.

Gjennom heilskapleg økonomistyring, presis rapportering og effektiv ressursforvaltning skal avdelingane medverke til at føretaket kan fremje helse, meistring og livskvalitet for alle brukarane våre, og samtidig utføre sitt samfunnsoppdrag på ein berekraftig måte.

Avdelingane

Økonomi- og finansområdet består av fire avdelingar som samla har ansvar for å sikre at Helse Fonna HF leverer gode og trygge helsetenester innanfor dei økonomiske rammene som er fastsette.

Foretaksøkonomi

Avdeling for foretaksøkonomi har det overordna ansvaret for den planmessige og løpande styringa av verksemda sine økonomiske ressursar. Avdelinga utarbeider og koordinerer budsjettet, følgjer opp forbruk og prognosar gjennom året, og utarbeider systematiske analysar og rapportar til leiing og styre. Vidare identifiserer avdelinga avvik og risikoområde, vurderer behov for korrigerande tiltak og gir fagleg rådgiving til leiarar på alle nivå.

Avdelinga har også ansvar for å utvikle og forvalte styringsinformasjon, sikre kvalitet og konsistens i økonomiske data, og bidra til at verksemda nyttar ressursane sine effektivt og i tråd med gjeldande lover, forskrifter og interne føringar. Slik medverkar avdeling for foretaksøkonomi til berekraftig drift, godt beslutningsgrunnlag og tenester av høg kvalitet.

Lønn og rekneskap

Lønns- og rekneskapsavdeling har ansvar for korrekt og rettidig handtering av alle lønns- og rekneskapstransaksjonar i verksemda. Avdelinga sikrar etterleving av lover, forskrifter, tariffavtalar og interne rutinar, og sørgjer for påliteleg bokføring, fakturabehandling, avstemmingar og rapportering. Avdelinga skal gi rettleiing og støtte til leiarar og medarbeidarar, og har ansvar for god intern kontroll, kvalitet i økonomiske data og effektivisering av arbeidsprosessar.

Innkjøp

Innkjøpsavdelinga har ansvar for å sikre god og effektiv vare- og tenesteflytt i verksemda, basert på dei rammeavtalane som er inngått gjennom Sykehusinnkjøp. Avdelinga handterer bestillingar, følgjer opp leveransar, kvalitetssikrar at kjøp skjer i tråd med gjeldande avtalar og sørgjer for korrekt registrering og dokumentasjon. Vidare gir avdelinga støtte og rettleiing til leiarar og medarbeidarar i bruk av avtalar, bestillingsrutinar og interne prosessar, og bidreg til god ressursutnytting, etterleving og intern kontroll.

Klinisk datastøtte

Avdeling for klinisk datastøtte og strategisk analyse har ansvar for å kople saman KPP‑data, medisinsk koding og klinisk aktivitet for å gi presis og relevant styringsinformasjon. Sikrar korrekt koding, god datakvalitet og pålitelege kostnadsdata, og leverer analysar som støttar strategiske vurderingar, prioriteringar og langsiktig planlegging. Avdelinga skal med dette vere eit sentralt bindeledd mellom økonomi, klinikk og strategi, og bidra til berekraftig drift og betre tenester for pasientane.