Eining for sikkerheitspsykiatri

Om eininga

Lokal sikkerheitsavdeling på Valen sjukehus har ansvar for å behandle pasientar frå Helse Fonna. Tilbodet er organisert i sikkerheitskjeda som består av Eining for sikkerheit, Eining for sikkerheit og rehabilitering og FACT- sikkerheit (ambulant sikkerheitsteam)   

Pasientar som blir innlagde ved sengeposten, er underlagde tvungent psykisk helsevern etter § 3.3, dømt til behandling etter §5.2 i lov om psykisk helsevern, eller varetekstsurrogat etter straffelova § 188.  

Våre oppgåver

Vår oppgåve er å utgreie, behandle og ivareta pasientar med alvorlege psykiske lidingar som samtidig utgjer ein stor valdsrisiko for omgivnadene, eventuelt med kompliserande tilleggsproblem som alvorleg personlegdomsforstyrring og rusmisbruk.   

Samfunnsoppdraget vårt er å gje behandling til menneske med alvorlege psykiske lidingar som treng medium høgt sikkerheitsnivå for å verne samfunnet. Saman med FACT-S prøver vi å finne best mogleg balanse mellom sikkerheit og behandling for pasient, personalet og samfunnet elles. Dette er ei av våre viktigaste oppgåver.    

Målet vårt er å gi alle pasientane høve til auka meistring i ulike fasar av sjukdommen, samtidig som vi tek omsyn til samfunnsvernet.  

Sentrale oppgåver hos oss er å vurdere og handtere valdsrisiko og samtidig gje omsorg og behandling. Dette blir gjort gjennom fysisk utforming av sengeposten, høg kompetanse og klare rutinar. Kvar pasient har eit tverrfagleg team som arbeider saman med pasienten for å balansere utvikling og sikkerheit. 

Kontakt oss

Kontortelefon: 53 46 64 83 

Pasienttelefon: 53 46 64 97

Besøk

Besøk bør avtalast på førehand. Vi har eige besøksrom og eit familierom spesielt tilpassa barn.