Barn som pårørande-nettverksgruppe

Nettverksgruppa for barn som pårørande er ein del av helsefellesskapet i Helse Fonna. Vi høyrer til under det faglege samarbeidsutvalet for barn og unge.

Gruppa arbeider med korleis vi best kan støtte barn og unge som har foreldre eller andre nærståande som er sjuke.

Målet vårt er å styrke samarbeidet i Helse Fonna-regionen, auke kompetansen og finne gode løysingar der det manglar ressursar eller kunnskap – både i helseføretak og kommunar.

Vi legg til rette for samarbeid og deling

Nettverksgruppa arbeider for å styrke deling av informasjon og erfaringar mellom spesialisthelsetenesta, kommunar og andre samarbeidspartnarar – dette bidreg til å halde oppe merksemda på barn som pårørande.

Vi ønskjer å:

• hjelpe med å identifisere utfordringar
• skape ein trygg arena for å dele både positive og krevjande erfaringar
• samle og formidle nyttige verktøy som kan brukast i det daglege arbeidet

Vi er ei samansett gruppe med representantar frå:

• Helseføretaket
• Kommunar
• Samarbeidspartnarar
• Ungdomsrådet i Helse Fonna

Roller

Helseføretaket er representert med koordinatorar for barn som pårørande innan somatikk og psykisk helsevern.

Kommunane bidreg med engasjerte fagpersonar som har ulike roller og oppgåver.

Samarbeidspartnarane er viktige støttespelarar for både helseføretaket og kommunane.

Ungdomsrådet representerer brukarstemma – dei deler erfaringar og synspunkt frå barn og unge som sjølv har vore pårørande.

Vi jobbar for å gjere det lettare å støtte barn som pårørande (0–18 år).

Saman med kommunar og samarbeidspartnarar identifiserer vi utfordringar og ser etter gode løysingar. Målet er at arbeidet med barn som pårørande skal bli ein naturleg og enkel del av kvardagen – både i kommunar og på sjukehus.

Vi ønskjer å:

• auke medvitet om barn som pårørande
• gjere det enklare å snakke med barn og unge på ein trygg og ufarleg måte
• skape felles møteplassar
• samle og dele nyttige verktøy som kan brukast i det daglege arbeidet

Nettverksgruppa har som hovudoppgåve å halde oppe merksemda på barn som pårørande. Dette er forankra i helsepersonellova:

• § 10 a: Helsepersonell har plikt til å bidra til å ta vare på mindreårige barn som er pårørande til foreldre eller søsken.
• § 10 b: Helsepersonell har plikt til å bidra til å ta vare på mindreårige barn som er etterlatne etter foreldre eller søsken.

Vi arbeider for å gjere det enklare å ta ansvar og skape eit arbeidsmiljø der det er naturleg og viktig å støtte barn som pårørande.
Det handlar om å utvikle ein kultur der ein tenkjer: «Eg gjer det», og ikkje «Nokon andre tek det».

Vi ønskjer å skape tryggleik og felles forståing for at dette er eit ansvar vi deler – og at vi støttar kvarandre i arbeidet.

Vi er her for å hjelpe og ønskjer at det skal vere enkelt å ta kontakt med oss.

Har du spørsmål eller treng støtte i arbeidet med barn som pårørande, er det berre å ta kontakt.

Linn.Therese.Olaussen@bomlo.kommune.no (leiar)

anne.kjersti.larsen@helse-fonna.no (nestleiar)