logo Helse Fonna

Åreknuter - operasjon

Du kan fjerne åreknutane med operasjon. Det er sannsynleg at kirurgi vil få beina dine til å sjå betre ut, og det kan også hjelpe mot verking eller tunge og trette bein. Kirurgi er den vanlegste behandlingsforma ved åreknutar.

Operasjonen for å fjerne åreknutar gjerast vanlegvis som dagkirurgi, det vil sei utan innlegging i sjukehuset.

Før

Du skal møte fastande på sjukehuset til avtalt tid og sted. Dette inneber at du ikkje kan ete, drikke kaffi, mjølk eller mjølkeprodukt, tygge tyggegummi, ete pastill eller røyke/snuse frå kl 24.00 natta før planlagt operasjon. Du kan drikke klare væsker som vatn, saft eller te inntil to timar før du møtar på sjukehuset.

På sjukehuset blir du tatt imot av sjukepleiar. Mens du ventar på operasjon får du ein samtale med anestesilege og kirurgen som skal operere deg.

Alle pasientar gjennomgår ein grundig ultralydundersøking. Legen undersøking et bein av gongen og vurdera djupe og overflatiske venar (årer) på legg og lår. 

Åreknutane teiknast på huda med tusj før operasjonen.

Du kan enten få generell anestesi eller lokal bedøving under operasjonen. Dersom du får generell anestesi, vil du sove gjennom operasjonen. Med lokal bedøving bedøvast berre den delen av kroppen din som skal opererast, slik at du er vaken utan å kjenne smerte.

Nokon kan ved behov få avslappande medisin og sove.



Under

Legen fjernar hovudåra (saphena magna) frå lysken til ankelen eller kneet. Dette gjerast med eit lite snitt ved ankelen eller kneet og eit litt større snitt i lysken. Nokon gonger blir det også laget 1 eller 2 små hjelpesnitt andre steder langs beinet. I nokre tilfelle må/kan vi fjerna tilleggsåreknutar med små snitt i huda.

Åreknutar bak på leggen fjernast med snitt i knehasen.

Som avslutning på operasjonen blir det opererte beinet surra inn i elastisk bind. Dette gjerast hovudsakeleg for å hindre bløding under huda. Dette er viktigast dei første timane og eit par dagar etter operasjonen. 



Etter

Kor lenge du må bruke elastisk bind eller strømpe er avhengig av kor mykje det blødde under operasjonen. Det anbefalast å bruke elastisk bind eller strømpe dag og natt i ei veke, deretter berre på dagtid ei ekstra veke.

Ver i aktivitet etter operasjonen – bruk beina til lett gange, ikkje sitt stille for lenge om gongen.
 
Du må rekne med å vere sjukmeld etter operasjonen. Sjukmeldingsperioden avheng av kva arbeid du har, og varer sjeldan meir enn 2 veker.
 
Stinga fjernast hos fastlegen din etter ca. ti dagar.



Ver merksam

Dersom du får aukande smerter, vedvarande feber og huda blir raud kan det vere teikn på betennelse i operasjonssåret. Ta kontakt med din fastlege eller sjukehus for å få ein vurdering.

Kontakt

Odda sjukehus Operasjon Odda
Ventetid: 8 - 34 uker

Ventetid: 8 - 34 uker

Kontakt Operasjon Odda

Oppmøtestad

Operasjon/dagkirurgi, 3. etasje.
En bygning med et fjell i bakgrunnen

Odda sjukehus

Sjukehusvegen 10, 5750 Odda

Finn fram

Transport

​For informasjon om rutetilbod til Odda sjukehus, sjå skyss.no og kolumbus.no. For ekspressbuss, sjå www.nor-way.no.

Du kan ta kontakt med pasientreiser for informasjon om reiser til og frå offentleg godkjent behandling.

Ventetid

8 uker til dagbehandling (34 totalt)

26 uker til utredning

Velg behandlingssted (helsenorge.no)

Praktisk informasjon

Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps. 

Logg inn på helse-norge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.

Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand. 

Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.

I hybelhuset er det tilgang til felles kjøkken og bad. Har du behov for kveldsmåltid, må dette bringast med.

Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.

Du vil få faktura for overnatting på hybelhuset. 

Du kan ta kontakt med pasientreiser for informasjon om reiser til og frå offentleg godkjent behandling.

Alternativ overnatting i Odda

Parkering for pasientar og besøkande ligg på sjukehusområdet.
 
Du kan parkere på sørsiden av sjukehuset eller på østsiden/baksiden ved elven eller augelegekontoret. Der kan du parkere gratis.

Det er ikkje tilgjengelege ladestasjonar for lading av elbil.

Reserverte parkeringsplassar

Det er reservert plass for HC-parkering utanfor hovudinngangen. 

På parkeringsplassen sør for sjukehuset finn du reserverte plassar for blodgivarar. 

Hugs å legge parkeringsbeviset for desse plassane godt synleg i frontruta.

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Viss du fått beskjed om å ta blodprøvar, kan du gå til laboratoriet i underetasjen (U-etasje) på Odda sjukehus.

Opningstider: kvardagar kl. 09.00-14.00

Trekk kølapp når du kjem.

Nokre pasientar/pasientgrupper blir prioritert for blodprøvetaking og vi ber om forståing for det. 

​Kantina ligg i underetasjen (U-etasje).


Opningstider

Måndag-fredag kl. 10.00-12.30

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Det er ikkje minibank ved sjukehuset. ​Næraste minibank ligg i Odda sentrum.

​Næraste daglegvare er Bunnpris, 700 meter frå sjukehuset. Adressa er Hjøllo 1, 5750 Odda.

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.