Blindtarmstomi hos barn

Ein blindtarmstomi blir brukt for å skylja tjukktarmen viss barnet har avføringsproblem i form av alvorleg forstopping eller avføringslekkasje (inkontinens). Dette kan vera eit godt alternativ til klyster i endetarmen.

Blindtarmstomi inneber at blindtarmen blir trekt ut gjennom bukveggen og huda på magen. Tuppen av blindtarmen blir opna og blir fast sydd i huda. Det vil dannast ei opning/kanal frå huda og inn til tjukktarmen. Eit kateter blir brukt for å skylja tarmen med vatn. Dette kateteret kan sitja permanent og skiftast to gonger i året eller setjast inn for kvar gong tarmen skal skyljast. Vanlegvis bør barn vera 5 - 6 år for å vurderast for denne operasjonen.

Blindtarmstomi kan passe for barn med følgande diagnosar:

Myelomeningocele/ryggmargsbrokk (MMC)
Anorektal malformasjon / analatresi (ARM)
Hirschprungs sjukdom
Skadd lukkemuskel i endetarmsopning
Andre alvorlege tarmmotoriske forstyrringar
Alvorleg forstopping eller avføringslekkasje utan diagnose

Tilvising og vurdering

Det er vanlegvis barnelege som viser til vurdering for blindtarmstomi.

Før

Før operasjonen får barn og foreldre ein samtale hos barnekirurg og stomisykepleier for informasjon. Ofte vil ein barnepsykiater vurderebarnet er modent nok til å meistre tarmskyljing og operasjon. Barnet får informasjon og førebuing tilpassa alderen, og vi ser på skyljeutstyr og leikar tarmskyljing med kateter og dokke.

De møter på sengeposten dagen før operasjon. På sjukehuset blir de tekne imot av kirurg, sjukepleiar og treffar anestesilege. Tarmen bør vere godt tømd før operasjonen. Dette kan skje heime, eller barnet kan få hjelp på sjukehuset. Staden for blindtarmstomien blir markert med tusj på nedre høgre side av magen. Barnet får sjå ein film som førebuing til narkose og operasjon. Kvelden før operasjon må barnet dusje og får reine klede.

Under

Operasjonen blir gjort i narkose og utført ved kikholskirurgi.
Blindtarmen blir trekt ut gjennom bukveggen og blir festa i hudnivå som ein liten stomi (opning). Blindtarmstomien er nokre få millimeter i diameter.
Vi legg inn eit kateter i blindtarmstomien under operasjonen. Dette skal ligge i 3-4 veker. Nokon får innlagt eit permanent kateter eller knapp som må skiftast kvar 6. månad. Då blir eit mellomstykke kopla på for skyljing, og det er ikkje nødvendig å føre inn kateter ved kvar skyljing.
I nokre tilfelle blir skyljekanalen konstruert av ein annan del av tarmen enn blindtarmen. Dette kan vere aktuelt viss blindtarmen skal brukast til eit anna inngrep, eller viss blindtarmen er fjerna.

Etter

Operasjonen er kortvarig, og barnet kan ete og drikke allereie same dag. Barnet får smertestillande, då det er vanleg med noko smerter etter operasjonen. Det er viktig med rørsle etter operasjonen, spesielt for å få tarmen i gang igjen. Barnet held fram med avføringsmedisinar etter operasjonen og dette vil deretter vurderast individuelt.

Dagen etter operasjonen får barnet og foreldra opplæring i tarmskyljing gjennom kateteret som ligg i blindtarmstomien. Ein bruker lunkent saltvatn eller vatn frå springen til å skylje tarmen. Væskemengda er individuell og blir gradvis auka. Hos nokon blir avføringsmiddel tilsett. Erfaring frå tidlegare tømming av tarmen blir brukt som utgangspunkt, og det blir gjort individuelle justeringar.

Væske og/eller avføringsmedisin blir sett inn i kateteret ved å bruke ei stor sprøyte eller ein vasspose med slange.
Væskemengda blir sett i løpet av 5-10 minutt. Etterpå må barnet rekne god tid på toalettet, cirka. 30 minutt.
Det er viktig med regelmessig skyljerutinar og at barnet eit og drikk før skyljeprosedyren blir gjennomført.
Barn kan oppleve ubehag/knip i magen under skyljing. Ta ein liten pause, masser magen eller gjer nokre bevegelsar før skyljeprosessen forsett.

Vanlegvis reiser de heim to til tre dagar etter operasjonen.
Foreldre eller barnet sjølv må vere trygge på å gjennomføre skyljeprosessen heime.
Det er vanleg med utreisesamtale med stomisykepleier. Då får de informasjon om utstyr det er viktig å bestille og planlegg skyljerutinar heime. Barnet får elektronisk resept på utstyret.
Det er nødvendig med eit plaster over blindtarmstomien og tape for å feste kateteret godt.
Barnet er som regel klar for normal aktivitet 7-10 dagar etter operasjonen og kan då byrje i barnehage/skule.
Unngå aktivitet som kan medføre slag og/eller dytt mot magen inntil kateteret er fjerna 3-4 veker etter operasjonen.
Barnet kan dusje få dagar etter operasjonen, men bør vente med å bade til kateteret er fjerna.

Barnet møter til kontroll på kirurgisk dagbehandling barn 3-4 veker etter operasjonen
Kateter som vart innlagt under operasjonen blir fjerna.
Eit tynt kateter blir ført inn i stomiåpningen, og det blir skylt med litt vatn.
Dette blir først gjort av stomisykepleier. Deretter gjer barnet og/eller foreldra dette sjølv.

Stomisykepleier (og lege ved behov) har vidare oppfølging av barnet for å finne skyljerutinar som passar for kvar enkelt.

Chaitkateter blir bytt kvar 6. månad på sjukehus. Mini ACE kan skiftast heime eller på sjukehus. Ingen av desse «knappane» blir fått på resept, sjukehuset må bestille for kvart barn.

Ver merksam

Blindtarmstomien kan bli trong. For å unngå dette må kateter førast inn i blindtarmstomien to gonger om dagen i minst to månader viss ikkje barnet har inneliggande «knapp».Nokon bruker ACE-stoppar (silikonpropp) i blindtarmstomien for å unngå trong stomi.

Det kan oppstå infeksjon etter operasjonen. Då vil området blir raudt, smertefullt og hovent. Viss dette skjer må de ta kontakt sjukehuset, og barnet får behandling med antibiotika.

Området rundt blindtarmstomien kan bli raudt og irritert. Då er det viktig med dagleg stell og at huda blir behandla med salve, barrierefilm eller eit mindre tett plaster.

Granulasjonsvev/villkjøtt ser ut som ekstra hud eller slimhinne i området rundt blindtarmsstomien. Dette oppstår oftast rundt blindtarmstomien og kan blø litt. Ta kontakt med helsepersonell. Området kan behandlast med kortisonsalve eller lapis. I nokre tilfelle må vevet fjernast kirurgisk.

Det er normalt at noko slim (sekresjon) vil komme ut frå opninga. Viss dette er plagsamt kan de ta kontakt med helsepersonell for råd.

Nokon har dårlegare effekt av tarmskyljing via blindtarmsstomien enn ønsket. Då kan det vêr behov for å tilsetje avføringsmedisinar i skyljevatnet. Kontakt sjukehuset dersom skyljing ikkje gir forventa effekt.

Sist faglig oppdatert 13.03.2023

Kontakt

Haugesund sjukehus Barn og ungdom poliklinikk

Kontakt Barn og ungdom poliklinikk

Oppmøtestad

Du finn oss i 3. etasje på Haugesund sjukehus. Ta trappene eller heisen ved Narvesen kiosken i 1. etasje for å kome til oss. Då kjem du rett til avdelinga vår i 3. etasje. Meld deg i skranken vår når du kjem.

Sjølvbetent innsjekk og betaling - Helse Fonna HF

Besøkstider

I dag 17:00 - 18:30

Måndag - Søndag 17:00 - 18:30

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Bestill og endre time for blodgiving

Du kan enkelt bestille eller endre time når du skal gi blod.

Gå til Min side

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.

Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.

Kantina i 6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00
Laurdag: 09.00-20.00
Søndag: 10.00-20.00

Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

Måndag til onsdag kl. 07.30 - 14.15
Torsdag kl. 07.30 - 16.30.
Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.

Blodbanken Haugesund

Stord

Måndag til fredag kl. 08.30 - 15.00.

Oppmøtestad: Stord sjukehus.

Telefon: 53 49 10 90.

Blodbanken Stord

Odda

Måndag til fredag kl. 08.00 - 15.00.

Oppmøtestad: Odda sjukehus.

Telefon: 91 24 59 96 / 53 65 11 23.

Blodbanken Odda

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.

Parkering i Haugesund sentrum

Sjå P-kart - Haugesund Parkering

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk