Delirium

Delirium er ein svært vanleg komplikasjon til akutt sjukdom. Pasientar som er skrøpelege, som eldre pasientar med mange kroniske tilstandar eller demens, er ekstra utsett, men alle kan utvikle delirium om dei blir sjuke nok.

Symptom

Pasientar med delirium har problem med å halde merksemda og kan ha vanskar med å orientere seg.
Dei gløymer lett ny informasjon og vil ofte feiltolke situasjonen dei er i, som å tru at ein sjukepleiar eigentleg er eit spøkjelse.
Det er derfor typisk og naturleg at pasientar med delirium er lite samarbeidsvillige i behandlingssituasjonen.
Tilstanden utviklar seg raskt, som regel i løpet av timar til få dagar, og er noko anna enn demens.
Personen kan vere mindre aktiv og stillare enn vanleg (hypoaktivt delirium), oppspilt og uroleg (hyperaktivt delirium) eller veksle mellom desse tilstandane.
Delirium har ofte eit svingande forløp, og nokre pasientar kan vere slik dei vanlegvis er på dagtid, men ha symptom på delirium om natta.

Tilvising og vurdering

Delirium oppstår i samband med akutt sjukdom eller etter operative inngrep. Av og til er den utløysande årsaka opplagd (som til dømes delirium som oppstår etter eit hoftebrot), men ikkje alltid. Uansett trengst ei grundig undersøking av pasienten, som regel av lege. Det er som oftast behov for innlegging i sjukehus for tilstrekkeleg utgreiing og behandling.

Før

Diagnosen blir stilt basert på samtale med pasient og pårørande. Pårørande kan bli spurde om pasienten har endra seg mentalt dei siste dagane. Tilstanden er ubehageleg for pasientane og det er viktig å oppdage delirium tidleg for å legge til rette vidare behandling. Det trengst ingen blodprøver eller røntgenundersøking for å stille diagnosen delirium, men det er viktig å undersøke breitt for å finne utløysande årsaker slik at desse kan behandlast.

Delirium kan i ei viss grad førebyggjast i sjukehus gjennom å tryggje pasienten, gjenta informasjon og sørgje for at utsette pasientar blir skjerma for unødvendig støy og uro. Pårørande har ei viktig rolle i å førebyggje delirium sidan dei kan vere med å tryggje pasienten og hjelpe til med å forklare kva som skjer.

Under

Det finst ingen medisinar som gjer at deliriet går fortare over. Prinsippa for behandling er dei same som for førebygging. Nokre pasientar kan på grunn av hallusinasjonar og vrangførestillingar bli så urolege at det utgjer ein risiko for fleire komplikasjonar, for eksempel viss pasienten på eiga hand fjernar livsviktig medisinsk utstyr. I slike tilfelle må ein stundom bruke medikament som roar pasienten og dempar symptoma.

Etter

Sidan delirium blir utløyst av akutt sjukdom, går det som oftast over etter at ein har fått behandla han utløysande hendinga. Vanlegvis varer delirium i nokre få dagar, men det kan variere. Etter utskriving vil dei fleste følgjast opp av fastlegen, medan nokon blir viste til poliklinisk undersøking på sjukehuset etter 2-3 månader. Då undersøkjer vi om dei kognitive problema har gått heilt tilbake.

Mange med delirium vil få eit mellombels køyreforbod ved utreise frå sjukehuset. Dette vil vare til dei polikliniske undersøkingane har stadfesta at pasienten oppfyller helsekrava for førarkort.

Snakk gjerne med helsepersonell i etterkant dersom du har gått gjennom delirium og har opplevd det som skremmande.

Ver merksam

Delirium kan vere ei skremmande oppleving for pasientar og pårørande. Det er derfor viktig å vite at dette er ein vanleg komplikasjon til alvorleg sjukdom. At pasientar blir forvirra når dei blir akutt sjuke betyr ikkje at dei har blitt «galne» eller at dei akutt har utvikla demens.

Sist faglig oppdatert 10.06.2024

Kontakt

Haugesund sjukehus Akuttmottak, Haugesund

Kontakt Akuttmottak, Haugesund

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør, vil du automatisk bli registrert på akuttmottaket.

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet på akuttmottaket.

Hovudinngangen til Haugesund sjukehus er alltid open.

Haugesund sjukehus

Karmsundgata 120

5528 Haugesund

Finn fram

Opningstider for ekspedisjon

I dag 08:00 - 22:00

Måndag - Søndag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Bestill og endre time for blodgiving

Du kan enkelt bestille eller endre time når du skal gi blod.

Gå til Min side

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.

Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.

Kantina i 6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00
Laurdag: 09.00-20.00
Søndag: 10.00-20.00

Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

Måndag til onsdag kl. 07.30 - 14.15
Torsdag kl. 07.30 - 16.30.
Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.

Blodbanken Haugesund

Stord

Måndag til fredag kl. 08.30 - 15.00.

Oppmøtestad: Stord sjukehus.

Telefon: 53 49 10 90.

Blodbanken Stord

Odda

Måndag til fredag kl. 08.00 - 15.00.

Oppmøtestad: Odda sjukehus.

Telefon: 91 24 59 96 / 53 65 11 23.

Blodbanken Odda

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.

Parkering i Haugesund sentrum

Sjå P-kart - Haugesund Parkering

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.