Vi tilrår at du alltid nyttar siste versjon av nettlesaren din.

Digital oppfølging, psykisk helsevern

Digital oppfølging inneber at heile eller delar av behandlingstilbodet skjer digitalt utan at ein treng å reise til behandlingsstaden. Merk at du skal IKKJE logge deg på helsenorge.no for å svare digitalt.

Du kan enkelt registrere informasjon om helsetilstanden din digitalt. Det kan gi deg ei meir fleksibel oppfølging, der du slepp å møte opp på sjukehuset dersom det ikkje er nødvendig.

Før

Digital oppfølging må avtalast med avdelinga eller behandlaren på førehand. Dersom du har gjort ei slik avtale, kan du logge inn her. Har du ikkje avtale, men ønskjer å vite meir, ta kontakt med avdelinga

  • Før oppstart vil du motta ein SMS med innloggingslenke til denne sida, kor du kan logge inn med lenka over. 
  • Innlogging skjer via ID-porten eller med SMS-kode (husk å ha telefonen i nærleiken).
  • Du kan bruke smarttelefon, nettbrett eller PC.

  • Om du ikkje har elektronisk ID (Bank-ID), kan du få eingongskode på SMS etter avtale med behandlaren/behandlingsstaden. 
  • Då må du logge deg på med valet «eingongskode». 
  • Du blir deretter beden om å logga deg på med brukarnamn og passord. Brukarnamn er ditt personnummer (11 siffer), og passordet skal du ha fått frå behandlaren/behandlingsstaden ditt. 
  • Om du ikkje har fått slikt passord, men behandlaren har oppretta ein brukarkonto til deg, kan du velge «gløymt passord». 
  • Klikk deretter på «Logg inn», og du vil få eingongskode på SMS.

 

Sjå gjerne denne korte filmsnutten før du går i gong:

 

Under

Når du har logga inn, kjem du direkte til spørsmåla du skal svare på. Svara dine vert lagra undervegs. Dersom du må avbryte, kan du halde fram med besvaringa seinare. Når du er ferdig, trykker du «levér».
 
Du vil motta eit nytt varsel på SMS når det er tid for ny eigenregistrering. 
 

  • Nettportalen som brukast er ei sikker løysning.
  • Alle opplysingar du registrerer digitalt vil berre bli lest av behandlaren din.
  • Regler om teieplikt og behandling av informasjon gjeld ved digital eigenregistrering på same måte som ved fysisk frammøte, i tråd med helsepersonellova, pasientjournallova og pasientrettslova.
  • Relevante og naudsynte helseopplysingar kan som hovudregel bli gitt til helsepersonell som samarbeider om å gi helsehjelp dersom det er naudsynt for å gi forsvarleg helsehjelp, med mindre du motsett deg dette.
  • Opplysingane du gir digitalt blir dokumenterte på vanleg måte i din journal.

Etter

Etter at du har registrert opplysingane i nettportalen, vil behandlaren din vurdere svara du har gitt.

  • Dersom du har symptom eller plager som krev tilsyn eller behandling, vil du bli innkalla til time. 
  • Viss ikkje, vil du få innkalling til ny eigenregistrering etter ei tid.
Ta kontakt med di avdeling dersom du ikkje lenger ønsker å nytte digital eigenregistrering.

Ver merksam

Dette er ikkje ei løysing for augneblikkeleg hjelp. Kontakt legevakt eller ring 113 om det hastar.

Sist faglig oppdatert 03.11.2025

Kontakt

  • Kontakt Haugaland DPS

    Oppmøtestad

    Vi held til i Haugesund og i Kopervik.

    Pårørande og besøk

    Pasientar og pårørande - Helse Fonna HF

    Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

    Oppmøtested

    Floravegen 75

    5535 Haugesund

    Kart

    Besøkstider: kl. 16.00-21.00.

    Oppmøtested

    Asaldalvegen 1

    4250 Kopervik

    Kart

    Besøkstider: kl. 16.00-21.00.

    Besøkstider

    • I dag 17:00 - 18:30

  • Kontakt Folgefonn DPS

    Oppmøtestad

    Poliklinikk og døgnavdeling på Valen, besøksadresse: Sjukehusvegen 15, 5451 Valen.
    Poliklinikken i Odda, besøksadresse: Sjukehusvegen 8, 5750 Odda.

    Pårørande og besøk

    Pasientar og pårørande - Helse Fonna HF

    Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

    En bygning med parkeringsplass

    Folgefonn DPS

    Sjukehusvegen 8

    5750 Odda

    Finn fram

    Besøkstider

    • I dag 17:00 - 18:30

    Praktisk informasjon

    Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
     
    Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

    Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

    ​​​​​​​​​Ta med den faste medisinen du brukar. Det kan ta tid å få same medisin frå apoteket.

    Dessverre kan tjuveri finne stad på sjukehuset. La ​verdisaker vere igjen heime.

    Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

    Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

    God hygiene er ein viktig faktor for å kunne gi god behandling til pasientane.

    ​Parkering for pasientar og besøkande ligg på sjukehusområdet.

    Du kan parkere på sørsiden av sjukehuset eller på østsiden/baksiden ved elven eller augelegekontoret. Det er gratis parkering.

    Det er ikkje tilgjengelege ladestasjonar for lading av elbil.

    Det er reservert plass for HC-parkering utanfor hovudinngangen.

    Reservert plass for blodgivar er på parkeringsplassen sør for sjukehuset.

    Hugs å legge parkeringsbeviset for desse plassane godt synleg i frontruta.



    Parkering for pasientar og besøknade ligg sentralt på sjukehusområdet. Parkering er gratis.


    Parkeringsplassen har 2 ladestasjonar.


    Sjukehusområdet er røykfritt.

    Inneliggande pasientar kan ta kontakt med helsepersonell ved si avdeling ved behov for nikotinprodukt.