Vi tilrår at du alltid nyttar siste versjon av nettlesaren din.
Intubasjon
Ved intubasjon får du eit plastrøyr (tube) ned i luftrøyret for å hjelpe deg med å puste, enten fordi du skal ha narkose eller fordi du er så sjuk at du ikkje klarer å puste godt nok sjølv. Tuben blir ført inn gjennom munn eller nase slik at den eine opninga stikk eit stykke ned i luftrøyret til kroppen, mens den andre ytre opninga stikk ut og kan koplast til ein respirator (pustemaskin).
Intubasjon kan utførast på mange ulike måtar, men som regel gjer vi det etter at du har fått narkose, eller etter at du har blitt bevisstlaus på grunn av alvorleg sjukdom eller skade, og pustefunksjonen er utilstrekkeleg. Ved å intubere, sikrar vi fri luftpassasje til lungene, og hindrar samtidig at blod, slim, mageinnhald kan komme ned i lungene.
Alternative måtar å utføre intubasjon på er såkalla vaken intubasjon, der vi bruker eit fiberoptisk instrument eller videolaryngoskop. Da får du berre lokalbedøving og lett narkose. Dette er tryggast i situasjonar der anatomien er sterkt avvikande og vi ikkje kan sjå stemmespalta med eit vanleg laryngoskop.
I tillegg til intubering finst også andre måtar å sikre luftvegane på og hjelpe deg å puste, som larynksmaske og intubasjonslarynksmaske.
Før
Har du problem med å gape, har lause tenner og/eller stiv nakke er det viktig at du seier frå om dette til anestesipersonellet når du kjem på sjukehuset. Du vil også bli spurd om dette.
Det er viktig at du fastar før narkose. Dersom du ikkje har fasta kan det sive mageinnhald og/eller magesyre ned i luftrøyret (aspirasjon) før vi rekk å få tuben på plass. Om du får mageinnhald ned i lungene, får du ein «kjemisk lungebetennelse» som kan vere svært alvorleg. I nokre tilfelle, spesielt ved akutthjelp, er det ikkje mogleg å vere fastande, og da blir fordelar vegne opp mot risiko.
Under
I botnen av svelget sit opninga til luftrøyret, i sjølve opninga sit stemmebanda. Vi bruker eit bua metallblad med ei lyskjelde i tuppen (laryngoskop) for å kunne sjå stemmespalta di og fører tuben ned gjennom stemmespalta og ned i luftrøyret. Nær tuppen er tuben omgitt av ein tynn plastmansjett som kan blåsast opp for å hindre at det skal renne spytt og slim frå svelget og ned i luftrøyret. Når pustarøret er på plass, kan vi hjelpe deg å puste.
Sjølve innleiinga (det å bli lagd i narkose) og intubasjonsprosedyren på sovande pasient tar frå 30–180 sekund, avhengig av teknikk som er vald og vanskegrad. Våkenintubering med fiberoptisk instrument (bronchoskop) tar fleire minutt.
Tuben kan koplast til eit handhaldt pusteballong eller respirator som kan hjelpe til med, eller overta pustefunksjonen. Når du er i generell narkose kan vi gi narkosegassar i lufta som du pustar for å halde deg i narkose (generell anestesi).
Etter
Etter narkosen (eller når du har blitt frisk nok), fjernar vi tuben. Vi må vere sikre på at du er vaken nok, og har tilstrekkeleg pustefunksjon, det vil seie at du kan puste sjølv og har fått tilbake vernande luftvegsrefleksar som svelging og hosting.
Det er også mogleg å vere heilt vaken utan bedøving og samtidig ha ein tube i luftrøyret utan at det er veldig ubehageleg.
Det er ikkje uvanleg å vere sår i halsen og hås i stemma 1–2 dagar etter intubasjon.
Vi held til 2. etasje i nybygget mot sørvest på Haugesund sjukehus.
For å kome til oss går du inn hovudinngangen, forbi Narvesen kiosken og innover gangen i nybygget. Du kan ta heis eller trapp opp til 2. etasje. Der finn du ei ventesone. På døra finner du eit telefonnummer du kan ringe.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
