Vi tilrår at du alltid nyttar siste versjon av nettlesaren din.

Innsetting av kateter (veneport, Hickman kateter, PiCC-line, midline, sentralt venekateter)

Mange pasientar har behov for langtids intravenøse kateter for å få medisinar og/eller ernæring. Desse blir som oftast lagde inn av anestesilege, i ei operasjonsavdeling.

Litt meir om det som skal skje

Det er personell ved anestesiavdelinga som legg inn intravenøse kateter og sentrale venekateter. Det finst fleire ulike typar slike kateter.

Veneport (VAP), Hickmankateter, (tunellert) dialysekateter, PICC-line og midlinekateter er namn på nokre slike.

Eit intravenøst kateter er ein tynn slange som blir lagd via huda og inn i ei blodåre (vene) i kroppen. Det blir festa til huda ved innstikkstaden, og blir godt dekt til. Gjennom slike kateter kan ein gi medisinar, ernæring og væske. Nokre av katetera kan ein også ta blodprøver frå.

Dialysekateter blir lagt inn av nyrelege eller anestesilege.

Tilvising og vurdering

Tilvisinga for innlegging av venekateter blir send til anestesiavdelinga, frå den avdelinga du høyrer til på sjukehuset. Fastlegane tilviser også i sjeldne tilfelle direkte. Tilvisinga blir vurdert av anestesilege.

Før

Når du blir kalla inn for å få lagt inn eit sentralvenøst kateter (til dømes ein veneport) kan det vere at du får beskjed om at du må ta ein del blodprøvar. Desse tek vi som regel rett før inngrepet.

Dersom du bruker blodfortynnande medikament og ikkje har fått nokon beskjed om du skal ta desse før inngrepet, ber vi deg ta kontakt med oss så tidleg som mogleg. Helst nokre dagar før inngrepet.

Du må møte nydusja til inngrepet.

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

Under

Det er svært viktig at heile prosedyren blir gjennomført sterilt. Før vi legg inn venekateteret blir du derfor nøye vaska med desinfeksjonsmiddel (Klorhexidinsprit), og anestesilegen vil dekkje til huda di i operasjonsfeltet med sterile dukar.

Deretter får du lokalbedøving i huda, og eventuelt litt smertestillande og roande medisinar intravenøst. Anestesilegen legg inn kateteret ved hjelp av ultralyd, og av og til tillegg av røntgengjennomlysing. Når kateteret er på plass, blir plasseringa kontrollert av dette og det blir lagt på sterile bandasjar.

Du vil få med deg eit skriv som beskriv korleis du skal forhalde deg etter inngrepet. Etter at kateteret er på plass, hender det at vi kontrollerer med eit ekstra røntgenbilete på røntgenavdelinga, men ikkje alltid. Du kan reise heim eller til avdelinga etter eit kort opphald på oppvakninga. Du kan ikkje reise heim med alle typar kateter. Enkelte katetertypar krev at du oppheld deg på sjukehuset.

Det vil du i så fall bli informert om før du kjem.

Etter

Vidare stell og oppfølging blir følgd opp av den som viste deg. Det kan vere den avdelinga du høyrer til eller i nokre tilfelle fastlegen din, i samarbeid med heimetenesta.

Dersom du har fått veneport eller Hickmannkateter, er det berre anestesilege eller kirurg som skal fjerne desse, i ei operasjonsavdeling. Andre kateter kan fjernast på sjukehusavdelinga. Skulle det vere spørsmål rundt kateteret, kan anestesiavdelinga kontaktast.

Ver merksam

Det er ein viss fare for betennelse og alvorleg infeksjon.

Du må kontakte lege omgåande dersom du får teikn til betennelse ved at du hovnar opp og eller blir raud i huda der kateteret sit fast, eller får feber og/eller nedsett allmenntilstand ei tid etter at du har fått eit kateter.

Sist faglig oppdatert 14.06.2023

Kontakt

Haugesund sjukehus Intensivavdelinga, Haugesund

Kontakt Intensivavdelinga, Haugesund

Oppmøtestad

Vi held til 2. etasje i nybygget mot sørvest på Haugesund sjukehus.

For å kome til oss går du inn hovudinngangen, forbi Narvesen kiosken og innover gangen i nybygget. Du kan ta heis eller trapp opp til 2. etasje. Der finn du ei ventesone. På døra finner du eit telefonnummer du kan ringe.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.