Vi tilrår at du alltid nyttar siste versjon av nettlesaren din.

Medikamentell behandling ved tvangslidelser (OCD)

Dersom det ikkje er aktuelt med eksponeringsbasert behandling (ERP), eller i tilfelle der personar har gjennomgått eksponeringsbehandling og ikkje hatt nytte av dette, kan medikamentell behandling med antidepressiv vere til god hjelp.

Kunnskapsbasert behandling for vaksne med tvangsliding omfattar eksponeringsbaserte kognitive-åtferdsterapeutiske tilnærmingar og medikamentell behandling, der dei psykologiske tilnærmingane er førsteval. I nokre tilfelle vil medikamentell behandling også kunne vere nyttig for å komme i posisjon til å kunne nyttiggjere seg og lære prinsippa for eksponeringsbasert behandling. 

Før

Før oppstart blir det kartlagt kva medikament du eventuelt bruker, eller har brukt tidlegare. Du vil også få ei grundig forklaring på kvifor medikamentell behandling blir anbefalt, kor lang tid det kan ta før du oppnår forventa effekt og informasjon om biverknader. Kor lenge det er venta at behandlinga varer, er også viktig for deg å vite noko om. 

Det er også viktig at du tar medikamenta som er føreskrive av lege. 


Under

Det bør jamleg bli vurdert om du faktisk blir betre av medisineringa. Dette blir gjort gjennom intervju og strukturerte spørjeskjema, og andre tiltak om det er behov for det. Om lag to veker etter oppstart av behandling blir du kalla inn til lege for oppfølging. Dersom legen vurderer at det er ein risiko for sjølvmord, skal oppfølging skje alt etter ei veke. 

Nokre gonger kan det vere aktuelt å bytte til eit anna preparat, på grunn av manglande effekt eller på grunn av sterke biverknader som ikkje går over. Dersom du skal slutte med medikamentet er det viktig at dette blir gjennomført i samråd med lege. Dette fordi det då er viktig at nedtrappinga går føre seg gradvis for å unngå potensielt sterke symptom. 


Etter

Når det er funne effektiv medisin mot OCD-symptoma dine, bør den halde fram i minst tolv månader etter reduksjon eller bortfall av symptom. Deretter bør behovet for vidare medikamentell behandling blir vurdert fortløpande samtidig som du blir tilbydd ny vurdering ved OCD-team med tanke på eksponeringsbehandling. 
For å unngå biverknader ved nedtrapping og avslutting av medisinar bør dette skje gradvis over fleire veker eller månader i samråd med legen din. 


Sist faglig oppdatert 22.08.2025

Kontakt

Valen sjukehus Valen sjukehus

Kontakt Valen sjukehus

Oppmøtestad

Vi held til i sjukehusvegen 23, 5523 Valen.  

Her finn du kart til og meir informasjon om Valen sjukehus

Pårørande og besøk

Pasientar og pårørande - Helse Fonna HF

Dersom det er særskilde behov for besøk utanom ordinær besøkstid, vil vi – så langt det er mogleg – leggje til rette for besøk eller følgje til pasientar.

Et tre med en bygning i bakgrunnen

Valen sjukehus

Sjukehusvegen 23

5451 Valen

Finn fram

Besøkstider

  • I dag 17:00 - 18:30

Transport

​For informasjon om lokalbusstilbod og hurtigbåttilbod i Valen og Kvinnherad, sjå www.skyss.no.

Praktisk informasjon

Det er ikkje apotekutsal ved sjukehuset. Næraste apotek ligg på Husnes. SPAR Valen har utsal av enkelte reseptfrie legemiddel.

​Næraste daglegvare er 0,7 km frå sjukehuset: SPAR Valen, Eplehagen 3, 5451 Valen.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Kantina er open måndag til torsdag kl. 11.30-12.30. Kantina er stengt på fredagar. 
Måltid blir serverte på postane. 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

​Parkering for pasientar og besøknade ligg sentralt på sjukehusområdet. Parkering er gratis.

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.