Vi tilrår at du alltid nyttar siste versjon av nettlesaren din.

Epistaxis

Nasebløding

Nasebløding (epistaxis) er arteriell eller venøs bløding frå slimhinna i nasen, gjennom nasebor eller til svelget. Dette førekjem hos opptil 60 prosent av befolkninga i løpet av livet. Blødingane stoppar som regel spontant. Ved hyppige naseblødingar kan det vere aktuelt å bli behandla med etsing/brenning, tamponade ved større blødingar eller eventuelt kirurgisk behandling i sjeldnare tilfelle.

Årsaker

Som regel er naseblødingar ei plage og ikkje eit eigentleg medisinsk problem. I sjeldne tilfelle kan det vere symptom på underliggande sjukdom. Tilstanden førekjem hyppigast blant barn under ti år og blant vaksne over 50 år, men nasebløding opptrer på alle alderstrinn.

Blant barn og unge oppstår nasebløding vanlegvis på fremre del av naseskilleveggen, like på innsida av nasen. Det kan også oppstå djupare inne i nasen.

Blødingar langt inne i nasen er ganske sjeldne og kan komme av stive blodårar eller høgt blodtrykk. Desse blødingane startar av seg sjølve og er ofte vanskelege å stoppe. Dei krev spesialistbehandling.

Tilvising og vurdering

Både fastlegar og spesialistlegar kan vise deg til denne utgreiinga/behandlinga.

Alle tilvisingar bør innehalde:

  • aktuell sjukehistorie
  • relevante tidlegare og nåverande sjukdommar
  • kliniske funn
  • resultat av relevante tilleggsundersøkingar
  • oppdatert medikamentoversikt
  • ved tilvising av barn eller pasientar utan samtykkekompetanse – kontaktinformasjon til føresette
  • eventuelt tolkebehov

Utgreiing

Nasebløding krev som regel inga utgreiing, og dei færraste søker lege. Ved kraftige blødingar, blødingar som ikkje vil stanse eller som stadig kjem tilbake, er det aktuelt å konsultere lege som vurderer eventuell vidare tilvising til øyre-nase-hals-spesialist.

I nokre få tilfelle kan det vere nødvendig å ta enkelte blodprøver for å finne ut av moglege årsaker til blødingane. Dette gjeld likevel berre eit fåtal av pasientane, dei som opplever stadige naseblødingar. Legen vil også måle blodtrykket. Blodfortynnande medikament aukar risikoen for naseblødingar.

Det finst ikkje medikament mot nasebløding. Er du plaga med gjentatte blødingar langt framme i nasen, er det mogleg for ein lege å brenne eller etse blodårane, for å hindre nye blødingar. 

Behandling

Fremre lokaliserte blødingar behandlar vi normalt med etsing/brenning.

Ved ikkje lokalisert bløding som er spesielt vanskeleg å stoppe, vil legen legge inn ein tampong som legg eit konstant trykk mot den blødande blodåra. Ein slik tampong må stundom ligge inne i eit par dagar, unntaksvis enda lenger. Denne typen behandling blir kalla fremre tamponade.

Dersom blødinga framleis ikkje stoppar, tyder det på at blødinga skjer langt bak i nasen. Da er det aktuelt med såkalla bakre tamponade. Denne situasjonen oppstår forholdsvis sjeldan, og krev vanlegvis sjukehusinnlegging. I unntakstilfelle blir det nødvendig med kirurgisk behandling for å stanse blødingane.  

Oppfølging

Legen vil gi deg råd om korleis du skal forhalde deg etter undersøking og behandling, og kva slags oppfølging som trengst ut frå sjukdomsbildet.

Ver merksam

Søk akuttmedisinsk hjelp dersom:

  • Blødinga varer lengre enn 15–30 minutt trass tilstrekkeleg klemming på fremre del av nasen.
  • Du kjenner deg svak og vil svime av, noko som kan komme av eit stort blodtap.
  • Blødinga er kraftig og blodtapet er stort.
  • Du kjenner det er vanskeleg å puste.

Kontakt

Haugesund sjukehus Akuttmottak, Haugesund

Kontakt Akuttmottak, Haugesund

Oppmøtestad

Felles akuttmottak ligg i underetasjen til Haugesund sjukehus, i nybygget mot sørvest.

Blir du transportert med ambulanse eller av portør vil du automatisk bli registrert hos akuttmottaket. 

Viss du kjem sjølv, må du gå inn hovudinngangen til Haugesund sjukehus. Deretter går du forbi Narvesen-kiosken og innover gangen i nybygget. Du kan ta heis eller trapp ned til underetasjen. Du må registrere deg i ekspedisjonsluka før du kan kome inn til venteområdet til akuttmottaket.  

Hovudinngangen til Haugesund sjukehus er alltid open. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Opningstider for ekspedisjon

  • I dag 08:00 - 22:00

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.