Vi tilrår at du alltid nyttar siste versjon av nettlesaren din.
Non-invasiv ventilasjon
Om du treng pustestøtte og ikkje er i narkose kan du få dette via ei maske. Dette blir kalla non-invasiv ventilasjon. Maska er tilkopla ein enkel respirator som enten heila eller delvis hjelper deg med å puste. Fordelen med maske er at det er enklare å bruke enn invasiv ventilasjon (eit plastrøyr i halsen som er kopla til respirator). Maska er god å bruke når det trengst pustestøtte delar av døgnet, oftast om natta.
Det finst nasemasker, ansiktsmasker, oralmasker og naseproppmasker. Det er mogleg å spesialstøype nasemaske om vi ikkje finn nokon som passar. Hos enkelte pasientar som også har behov for pustestøtte i periodar på dagtid, kan pustehjelp via eit munnstykke vere ei moglegheit.
Standard tilvising til spesialist (lungelege) med kompetanse i LTMV skal innehalde:
Kognitiv funksjon. Forstår pasienten kva LTMV inneber?
Pasientens (og pårørandes) ønsker i forhold til LTMV
Vil pasienten sjølv kunne administrere BiPAP/respirator med masketilslutning?
Heimeforhold / nettverk / heimesjukepleie
Før
Ved oppstart og tilpassing av non-invasiv ventilasjon blir du lagd du inn på lungemedisinsk avdeling i 1–2 døgn.
Den første natta gjer vi stundom fleire undersøkingar før behandling startar. Det kan for eksempel vere undersøking av pusten din under søvn. Vi prøver ut maske og maskin på dagtid før vi prøver behandling under søvn.
Under
Non-invasiv behandling vil vanlegvis vere ei livslang behandling.
Det kan vere utfordringar med tilpassing av maske på grunn av ansiktsform. Maska kan vere vanskeleg å få tett, og dermed blir stramma slik at det kan oppstå trykksår. Det kan derfor vere ein fordel å ha to ulike masker å byte imellom.
Gjer det vondt?
Maskebehandlinga kan gi tørre slimhinner i munn og nase. Dette gir seg i mange tilfelle etter nokre dagar, men av og til treng vi å bruke eit fuktefilter eller ein fuktar.
Lekkasje rundt maska kan vere ubehageleg og laga støy. Dette blir betra med korrekt masketilpassing.
Nokon kan få smerter i øyre og biholer. Det er ikkje farleg, og går vanlegvis over etter nokre dagar.
Gnag på naserygg av maske kan skje viss maska sit for stramt eller er feil tilpassa. Det blir løyst ved korrekt masketilpassing.
Etter
Etter heimreise blir du følgd opp av eit LTMV-team. Kontrollar blir avtalte individuelt.
Ver merksam
Det er ikkje infeksjonsrisiko knytt til bruk av maske.
Vi held til 2. etasje i nybygget mot sørvest på Haugesund sjukehus.
For å kome til oss går du inn hovudinngangen, forbi Narvesen kiosken og innover gangen i nybygget. Du kan ta heis eller trapp opp til 2. etasje. Der finn du ei ventesone. På døra finner du eit telefonnummer du kan ringe.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
