Vi tilrår at du alltid nyttar siste versjon av nettlesaren din.

Sårbehandling med undertrykk – ved sår på armar og bein

Undertrykkbehandling er avansert sårbehandling der vi påfører sårflata vakuum. Det blir brukt fleire nemningar om undertrykkbehandling av sår. I Noreg blir brukt ofte nemninga «VÁC». «VÁC» betyr Vacuum Assisted Closure. Internasjonalt er «NPWT» ei vanleg nemning. «NPWT» betyr Negative Pressure Wound Therapy.

Slik verkar pumpa

Det finst ulike pumpesystem som gir undertrykk/vakuum i såret. Systema består av ein bandasje som dekkjer såra og ein slange som er kopla til ei pumpe. Pumpa syg luft ut av bandasjen slik at det blir danna vakuum/undertrykk i såret.

Behandlinga gir ei hygienisk tildekking av såret, fjernar sårvæske og kan bidra til at såret gror raskare. Vakuumbandasjen ligg på såret heile døgnet og blir vanlegvis skifta fleire gonger i veka. Ved nokre pumpesystem kan bandasjen liggje opptil ei veke. Behandlinga kan vare i dagar eller veker. Behandlingstida er individuell, og blir fortløpande vurdert.

Foto av pumpen som brukes i undertrykksbehandling
Døme på undertrykkbehandling av sår.

Før

Legen vurderer om du kan ha nytte av undertrykkbehandling. Før behandlinga kan starte, må såret vere reint. Vi reinsar såret og fjernar eventuelt vev som ikkje er friskt. Av og til gjer vi dette på operasjonsavdelinga. Vi kan også gjere såret reint i samband med vanleg sårskift.

Under

Sjukepleiar eller lege legg på bandasjen og startar vakuumpumpa. Bandasjen er hard å ta på når pumpa er starta.

Moglege utfordringar under behandlinga

Somme opplever utfordringar under behandlinga. Det kan til dømes vere smerter relaterte til behandlinga eller ved bandasjeskift. Dersom du opplever smerter ved bandasjeskift, kan det hjelpe å ta smertestillande éin time før behandling. Lydar frå pumpa kan forstyrre nattesøvnen hos dei som er kjenslevare for lyd. Somme synest pumpa er tung å bere. Snakk med behandlaren din dersom du opplever utfordringar under behandlinga.

Dusj og bad

  • Pumpa skal haldast tørr og du må kople frå pumpa før du dusjar.
  • Du kan ikkje bade med bandasjen på.

Opplæring av pasient og/eller omsorgspersonar

Ved behandling utanfor sjukehus er det viktig at du regelmessig kontrollerer at pumpesystemet fungerer. Før du reiser frå sjukehuset får du eller dine omsorgspersonar praktisk opplæring i bruk av pumpesystemet. Du får også skriftleg brukarrettleiing til pumpa di. Skifte av vakuumbandasjen blir som regel utført på sjukehuset.

Før du reiser heim er det viktig at du eller din omsorgsperson kan:

  • handtere alarmane til pumpa (blokkering, lekkasje, full behaldar, lågt batterinivå, høgt/lågt vakuumnivå)
  • feste bandasjen dersom han losnar
  • kople frå pumpa mellombels
  • kjenne igjen teikn til komplikasjonar ved behandlinga
  • vite kvar du skal gå dersom du treng hjelp

Det er viktig at pumpeinnstillingane ikkje blir endra.

Ta kontakt med behandlaren din dersom:

  • bandasjen eller behaldaren er full av sårvæske
  • du får auka smerter
  • det oppstår teikn på infeksjon. Teikn på infeksjon er smerte i sårområdet, auka mengd sårvæske, hevelse, varme eller raudheit rundt såra, og eventuelt feber/frysningar.
  • bandasjen losnar
  • du observerer bløding frå såret
  • alarmen går, og du klarer ikkje handtere feilmeldinga på eigenhand
  • pumpa har vore uverksam i meir enn 2 timar (gjeld ved bruk av svamp eller gauze)

Andre omsyn

  • CT eller røntgen: Pumpa må ikkje plasserast i strålesona.
  • MR: Pumpa blir frå kopla og ho skal ikkje takast med inn i MR-rommet.
  • Behandling i hyperbarkammer/trykkammer: Snakk med din lokal behandlar dersom du skal ha behandling i hyperbarkammer. Det vil vere spesielle omsyn ved behandling i hyperbarkammer.
  • Flyreise: Det kan vere restriksjonar i samband med flyreise, spør behandlaren din dersom du skal fly.
  • Unngå ytre trykk mot bandasjen.

Etter

Etter at vakuumbehandlinga er avslutta legg vi ein plan for korleis vi skal behandle såret vidare. Helsepersonell som eventuelt overtek behandlinga av såret, får informasjon om dette.

Ver merksam

Ved rett bruk og observasjon er det sjeldan biverknader ved vakuumbehandling. Moglege biverknader kan vere:

  • bløding
  • infeksjon
  • redusert sirkulasjon
  • hudskade
  • smerte
  • allergisk reaksjon mot bandasjemateriale

Kontakt

Odda sjukehus Operasjon og anestesi, Odda

Kontakt Operasjon og anestesi, Odda

Oppmøtestad

Vi held til i 3. etasje på Odda sjukehus.

En bygning med et fjell i bakgrunnen

Odda sjukehus

Sjukehusvegen 10, 5750 Odda

Finn fram

Transport

​For informasjon om rutetilbod til Odda sjukehus, sjå skyss.no og kolumbus.no. For ekspressbuss, sjå www.nor-way.no.

Du kan ta kontakt med pasientreiser for informasjon om reiser til og frå offentleg godkjent behandling.

Praktisk informasjon

Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps. 

Logg inn på helse-norge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.

Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand. 

Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.

I hybelhuset er det tilgang til felles kjøkken og bad. Har du behov for kveldsmåltid, må dette bringast med.

Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.

Du vil få faktura for overnatting på hybelhuset. 

Du kan ta kontakt med pasientreiser for informasjon om reiser til og frå offentleg godkjent behandling.

Alternativ overnatting i Odda

Parkering for pasientar og besøkande ligg på sjukehusområdet.
 
Du kan parkere på sørsiden av sjukehuset eller på østsiden/baksiden ved elven eller augelegekontoret. Der kan du parkere gratis.

Det er ikkje tilgjengelege ladestasjonar for lading av elbil.

Reserverte parkeringsplassar

Det er reservert plass for HC-parkering utanfor hovudinngangen. 

På parkeringsplassen sør for sjukehuset finn du reserverte plassar for blodgivarar. 

Hugs å legge parkeringsbeviset for desse plassane godt synleg i frontruta.

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Viss du fått beskjed om å ta blodprøvar, kan du gå til laboratoriet i underetasjen (U-etasje) på Odda sjukehus.

Opningstider: kvardagar kl. 09.00-14.00

Trekk kølapp når du kjem.

Nokre pasientar/pasientgrupper blir prioritert for blodprøvetaking og vi ber om forståing for det. 

​Kantina ligg i underetasjen (U-etasje).


Opningstider

Måndag-fredag kl. 10.00-12.30

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.

Det er ikkje minibank ved sjukehuset. ​Næraste minibank ligg i Odda sentrum.

​Næraste daglegvare er Bunnpris, 700 meter frå sjukehuset. Adressa er Hjøllo 1, 5750 Odda.

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.