Ny praksis frå hausten 2025: Tilvising frå sjukehus til privat rehabiliteringsinstitusjon

1. Sjukehuslege sender tilvising (henvisning): "Henv.rådg. om rehabilitering privat ints. SO" til RVE (bruk eigen mal i DIPS).
2. TIlvising til avdeling for fysikalsk medisin og rehabilitering (AFMR) eller Spinalenhet skal sendast direkte til den respektive avdelinga, ikkje via RVE.

• Tilvisingsårsak og diagnose
• TIdlegare sjukdomar og funksjonsnivå før aktuelle skade/sjukdom
• Aktuell problemstilling, funksjonstap og medisinske utfordringar
• Mål for rehabilitering
• Kva privat rehabiliteringsinstitusjon som er ønska

Rehabilitering er aktuelt når pasienten har fått eit betydeleg tap av fysisk og/eller kognitiv funksjon, og treng eit tidsavgrensa, tverrfagleg tilbod for å betre funksjonsnivået.

Rehabiliteringstilbod finst både:

• i kommunen
• i spesialisthelsetenesta (sjukehus og private rehabiliteringsinstitusjonar)

For å sikre eit saumlaust pasientforløp, bør behovet vurderast så tidleg som mogleg.

Behandlingsansvarleg lege ved sengepost eller poliklinikk vurderer:

• om pasienten treng vidare spesialisert rehabilitering
• om pasienten medisinsk sett kan skrivast ut frå sjukehuset

Følgjande faktorar kan tale for tilvising etter sjukehusopphald:

• Behov for tverrfagleg oppfølging og kompetanse
• Behov for, og kapasitet til, intensiv rehabilitering
• Alvorlege komplikasjonar under sjukehusopphaldet som gir større funksjonstap enn forventa
• Medisinsk kompleksitet som fører til større funksjonstap og behov for tverrfagleg, spesialisert rehabilitering

• Planlagt behandling/inngrep er så omfattande eller komplisert at ein forventar behov for tverrfagleg, spesialisert rehabilitering i etterkant
• Pasienten har etablert funksjonstap før behandling/inngrep som gjer at ein forventar behov for slik rehabilitering i etterkant

Det er sjeldan behov for spesialisert rehabilitering ved:

• Generell mobilisering eller opptrening etter sjukdom eller kirurgi (Vurdering av rehabiliteringsbehov ved planlagt kirurgi skal gjerast etter inngrepet)
• Behov for monofagleg opptrening (oftast fysioterapeut)
• Behov for avlastning av ekstremitet eller manglande tilrettelegging i eigen heim

Målet er:

• at sjukehuspasientar får rehabilitering på rett nivå til rett tid – anten døgn, dag eller poliklinikk
• at tilbodet er likeverdig i heile regionen