Gi oss tilbakemelding

Spørsmåla våre blir sendt ut via tekstmelding (SMS).  

SMS-ane blir berre sendt til personar over 18 år, og til personar som ikkje har reservert seg. 

Du får tekstmeldinga same dag eller dagen etter du har vore til behandling på sjukehuset. Tekstmeldinga blir sendt ca. kl. 16.00 på kvardagar. Vi sender ikkje tekstmeldingar i helgene eller på heilagdagar. 

Tekstmeldinga vil innehalde ei lenke som tek deg til eit digitalt spørjeskjema, der du kan gi oss tilbakemeldingar om det siste besøket ditt.  

Du får også moglegheit til å reservere deg mot å få undersøkingar i same tekstmelding.  

Lenka til undersøkinga er gyldig i 12 dagar.  

Dersom du har vore i kontakt med oss fleire gonger, vil du likevel berre få ein SMS i månaden. 

Alle som kjem til sjukehuset, skal møtast med respekt og få god og forståeleg informasjon til rett tid. Pasientane skal kjenne seg trygge gjennom heile forløpet og bli tekne på alvor. 

Viss vi skal bli betre, må vi vite kva vi kan bli betre på.

• Kommunikasjon: Om behandlarane snakka slik at pasienten forstod.
• Tillit til kompetanse: Tillit til fagleg dyktigheit hos behandlarar og anna personale.
• Infomasjon: Om pasienten fekk tilstrekkeleg informasjon om diagnose/plager.
• Tilpassing av behandling: Om behandlinga var tilpassa situasjonen til pasienten.
• Medverknad: Om pasienten var involvert i avgjersler om behandlinga.
• Organisering og kvalitet: Oppleving av organisering på sjukehuset og inntrykk av utstyr.
• Generell tilfredsheit: Om hjelpa og behandlinga alt i alt var tilfredsstillande.
• Feilbehandling: Om pasienten meiner dei vart feilbehandla.
• Ventetid: Om pasienten måtte vente for å få tilbod.
• Utbytte av behandling: Kor mykje utbytte pasienten har hatt av behandlinga.
• Kommentarar og forslag til forbetring: Fritekstfelt for erfaringar og forbetringspunkt. 

Spørsmåla pasientane våre får via SMS, er ei kortare utgåve av spørsmåla i den tidlegare PasOpp-undersøkinga til Folkehelseinstituttet (FHI). Spørsmåla er standardiserte og utarbeidde av FHI. Sjå meir informasjon: Brukererfaringer i helse- og omsorgstjenesten - FHI

Tilbakemeldingane vi får inn, blir delte med leiarane for dei ulike einingane på sjukehuset. Dersom resultata viser at det er ønskje om endringar, blir dei viktige bidrag til arbeidet med å forbetre tenestene våre. 

Viss du ikkje ønskjer å få fleire tekstmeldingar der du kan gi tilbakemelding, kan du melde deg av når du får den første tekstmeldinga.

Dette gjer du ved å sende ein e-post til oss.

NB! Hugs å skrive dette i emnefeltet på e-posten: “Vil ikke gi tilbakemelding på SMS – til Kvalitet og pasientsikkerhet”

Sjå Personvernerklæring for Helse Fonna - Helse Fonna HF for meir informasjon om reservasjonsrett. 

Svara dine vil vere anonyme. Den tekniske løysinga vi brukar for å samle inn tilbakemeldingar, WPCM og GUID, behandlar pasientdata med høg grad av personvern.  

Kort forklaring av WPCM-systemet: 

• Hentar pasientdata frå den elektroniske pasientjournalen for å sende ut spørjeundersøkingar via SMS. Desse dataa inkluderer alder, telefonnummer og avdelinga der pasienten har fått behandling. 

• Hindrar at same pasient får fleire invitasjonar innan 30 dagar. 

• Har eit reservasjonsregister for dei som ikkje ønskjer å delta. 

• Sender ikkje SMS til personar under 18 år, eller til personar som har reservert seg. 

• Krypterer og anonymiserer alle svar før dei blir lagra og analysert via GUID (sjå nærare forklaring om GUID under). 

• Data blir sletta etter 6 månader, unntatt demografiske data som blir lagra med GUID for analyseformål. 

Korleis brukar vi GUID i innsamlinga av tilbakemeldingar? 

GUID står for Globally Unique Identifier – altså ein globalt unik identifikator.  

Det er en lang streng med tal og bokstavar som blir generert av eit datasystem for å identifisere noko på en unik måte, utan å avsløre personleg informasjon. 

• Anonym identifikator: Når ein pasient blir valt ut til å delta i ei undersøking, blir det generert ein GUID som representerer denne pasienten i systemet – utan å bruke namn, fødselsnummer eller annan identifiserbar informasjon. 

• Kopling av data: GUID gjer det mogleg å kople saman ulike typar data (som demografi og svar på spørjeskjema) utan å vite kven personen er. 

• Unngå doble svar: Systemet brukar GUID til å sikre at éin person ikkje kan svare fleire gonger på same undersøking innanfor ein gitt periode (30 dagar). 

• Langsiktig analyse: GUID blir lagra saman med demografiske data, slik at vi seinare kan analysere svara i lys av alder, kjønn og sjukehusavdeling – fortsett utan å vite kven som svarte. 

Ta kontakt med oss på post@helse-fonna.no 

NB! Hugs å legge inn denne teksten i emnefeltet på e-posten din: "Spørsmål om tilbakemeldingar / til Kvalitet og pasientsikkerhet".