Valen sjukehus
Eining for aktivitet og livsmeistring
Eining for aktivitet og livsmeistring er ein del av integrert behandling. Målet er å vedlikehalde eller betre den fysiske, psykiske og sosiale situasjon til pasienten gjennom målretta bruk av arbeidstrening, kreative aktivitetar, fysisk aktivitet, formgjeving, trim og friluftsliv, kunst- og kulturaktivitetar og praktiske daglege gjeremål.
Dette skal gjere pasienten betre i stand til å meistre livet etter institusjonsopphaldet, basert på eigen innsats.
Aktivitet som ein del av behandlinga bidreg til å:
- Fremje sjølvstende og meistring av eigen kvardag (struktur og rutinar).
- Auke motivasjon og moglegheiter til eit liv på eigne premissar.
- Bruke meiningsfulle aktivitetar til å fremje generell helse og sosial verdsetting.
- Førebyggje passivitet, isolasjon og nye aktivitetstap.
- Bruke fysisk aktivitet som eit bevisst middel i behandlinga for å redusere psykiske symptom og fremje fysisk helse.
- Dempe kaos.
- Auke konsentrasjon.
Last updated 2/26/2026