Traineesjukepleiar
Den varierte praksisen du får som traineesjukepleiar gir unik kunnskap frå fleire fagfelt, og er eit godt springbrett i den vidare karrieren din som sjukepleiar.
Møt ein trainee
Aleksander Myking Bratli er traineesjukepleiar på Haugesund sjukehus. Gjennom to år skal han jobbe i tre ulike klinikkar.
- I Haugesund er det mange gode avdelingar. Vi har eit trygt og godt miljø for læring og eit godt arbeidsmiljø, seier Aleksander.
Traineeordninga sikrar han også jobb vidare.
- Ein god ting er at eg får 100 % fast tilsetting frå dag éin, og dette fortsett også etter eg er ferdig som trainee.
Innhald i videoen
Videoen viser eit intervju med traineesjukepleiar Aleksander Myking Bratli ved Haugesund sjukehus. Han fortel om kvifor han har valt traineeordninga i Helse Fonna, og korleis det er å jobbe i tre ulike klinikkar gjennom to år.
I videoen deler han erfaringar med det gode læringsmiljøet, arbeidsmiljøet og oppfølginga han får. Han løftar også fram tryggleiken ved å få 100 prosent fast tilsetjing frå første dag, og korleis dette gir ein god start på sjukepleiarkarrieren.
Sist oppdatert 10.02.2026