Ta med deg desse råda.
Samspel og rollemodell
Godt samspel med vaksne er viktig for utvikling av sjølvkjensle, tilknyting, kjensleregulering og sosiale ferdigheiter.
Ver til stades, ha blikkontakt og vis merksemd. Skjermbruk hos vaksne kan svekkje slike augeblinkar – ver ein god rollemodell og vis at skjermbruk har grenser.
Øv på å vere til stades, handtere stillheit og kjedsle – utan alltid å ty til skjerm.
Gode skjermvanar i kvardagen
Ingen skjerm før skule om morgonen eller før middag og fellesmåltid.
Unngå skjerm i den siste timen før leggetid.
Ta pausar på minst 10 minutt for kvar 60-90 minutt med skjerm (oftare ved handhalden skjerm). I pausen: rørsle og kvile for auge – ikkje på mobil.
Grenser og balanse
Bruk skjermtid etter lekser, aktivitetar og plikter. Mengda bør tilpassast barnet og korleis skjermbruk påverkar kvardagen, men hald ho innanfor moderate rammer.
Ha periodar utan gaming og sosiale medium, gjerne minst i eitt døgn – for heile familien.
Praktiske grep
Fjern mobil og andre handhaldne skjermar frå rommet de er i.
Unngå skjerm i bakgrunnen. Slå av utstyr heilt (ikkje kvilemodus).
Ingen skjerm på soverommet – bruk heller vekkarklokke.
Reglar og samarbeid
Utset smartelefon så lenge som mogleg (gjerne til ungdomsskulealder).
Avtal med andre foreldre kva plattformar som er greie å bruke.
Lag klare reglar for nedlasting av appar og spel, og etabler gode vanar tidleg.
Gå gjennom skjermbruk saman med barna éin gong i veka.
