Pasienterfaringsundersøking

Systemet vi brukar hentar mobiltelefonnummer til pasientar frå det elektroniske pasientjournalsystemet vårt (DIPS).  

Pasienterfaringsundersøkingar blir berre sendt til personar over 18 år, og til personar som ikkje har reservert seg. 

Alle som kjem til sjukehuset, skal møtast med respekt og få god og forståeleg informasjon til rett tid. Pasientane skal kjenne seg trygge gjennom heile forløpet og bli tekne på alvor. 

Viss vi skal bli betre, må vi vite kva vi kan bli betre på.

Svara vi får inn, blir delte med leiarane for dei ulike einingane på sjukehuset. Dersom resultata viser at det er ønskje om endringar, blir dei viktige bidrag til arbeidet med å forbetre tenestene våre. 

Viss du ikkje ønskjer å ta imot fleire tekstmeldingar med invitasjon til pasienterfaringsundersøking, kan du melde deg av når du får den første tekstmeldinga.

Det er frivillig å delta og du kan når som helst reservere deg mot framtidige tekstmeldingar (SMS) ved å melde ifrå til sjukehuset. Dette gjer du ved å sende ein e-post til oss.

NB! Hugs å skrive dette i emnefeltet på e-posten: “Vil ikke ha pasienterfaringsundersøkelser på SMS – til Kvalitet og pasientsikkerhet”

Sjå Personvernerklæring for Helse Fonna - Helse Fonna HF for meir informasjon om reservasjonsrett. 

Svara dine vil vere anonyme. Den tekniske løysinga vi brukar for pasienterfaringsundersøkingar (WPCM) og GUID, behandlar pasientdata med høg grad av personvern.  

Kort forklaring av WPCM-systemet: 

• Hentar pasientdata frå den elektroniske pasientjournalen for å sende ut spørjeundersøkingar via SMS. Desse dataa inkluderer alder, telefonnummer og avdelinga der pasienten har fått behandling. 

• Hindrar at same pasient får fleire invitasjonar innan 30 dagar. 

• Har eit reservasjonsregister for dei som ikkje ønskjer å delta. 

• Sender ikkje SMS til personar under 18 år, eller til personar som har reservert seg. 

• Krypterer og anonymiserer alle svar før dei blir lagra og analysert via GUID (sjå nærare forklaring om GUID under). 

• Data blir sletta etter 6 månader, unntatt demografiske data som blir lagra med GUID for analyseformål. 

Korleis brukar vi GUID i pasienterfaringsundersøkinga? 

GUID står for Globally Unique Identifier – altså ein globalt unik identifikator.  

Det er en lang streng med tal og bokstavar som blir generert av eit datasystem for å identifisere noko på en unik måte, utan å avsløre personleg informasjon. 

• Anonym identifikator: Når ein pasient blir valt ut til å delta i ei undersøking, blir det generert ein GUID som representerer denne pasienten i systemet – utan å bruke namn, fødselsnummer eller annan identifiserbar informasjon. 

• Kopling av data: GUID gjer det mogleg å kople saman ulike typar data (som demografi og svar på spørjeskjema) utan å vite kven personen er. 

• Unngå doble svar: Systemet brukar GUID til å sikre at éin person ikkje kan svare fleire gonger på same undersøking innanfor ein gitt periode (30 dagar). 

• Langsiktig analyse: GUID blir lagra saman med demografiske data, slik at vi seinare kan analysere svara i lys av alder, kjønn og sjukehusavdeling – fortsett utan å vite kven som svarte. 

Ta kontakt med oss på post@helse-fonna.no 

NB! Hugs å legge inn denne teksten i emnefeltet på e-posten din: "Spørsmål om pasienterfaringsundersøkelser / til Kvalitet og pasientsikkerhet".