FSU barn og unge

Målet med FSU barn og unge er å sikre heilskaplege og samanhengande tenester for barn og unge i Helse Fonna-regionen. Dette skjer gjennom målretta samarbeid om samhandlingsforløp, nettverk, kompetansetilbod, utviklingsarbeid og god informasjonsflyt på tvers av nivå og sektor. 

For å nå dette målet har FSU barn og unge særleg fokus på å: 

• utvikle, forvalte og vidareutvikle samhandlingsforløp for barn og unge på tvers av kommunar og føretak innan psykisk og somatisk helseteneste samt habilitering og rehabilitering, samla under den felles paraplyen Barn og unges helseteneste 

• etablere, organisere og følgje opp nettverk innan prioriterte satsingsområde, mellom anna Barn og unges helseteneste, Betre tverrfagleg innsats og Barn som pårørande 

• koordinere kompetanse- og kurstilbod retta mot tilsette i tenester for barn og unge i både kommunar og føretak 

• koordinere og følgje opp prosjekt, utviklingsarbeid og felles satsingar 

• formidle relevant informasjon om FSU sitt arbeid og satsingsområde til tilsette i tenester for barn og unge 

• samarbeide med og utveksle informasjon med andre relevante aktørar, nettverk og kompetansesenter 

Samhandlingsforløp 

Dei som treng hjelp, og dei som skal hjelpe barn og unge, må ha forståing for dei ulike tenestene og for rollene og ansvaret deira. Slik kan vi skape eit betre og meir samanhengande hjelpetilbod. Satsinga Barn og unges helseteneste handlar nettopp om dette. 

Brukarar, kommunar og spesialisthelsetenesta samarbeider om å utvikle betre tenester for barn og unge. Saman utviklar dei forløp som gir kunnskapsbaserte faglege råd om korleis ein skal handtere alt frå den første uroa til spesialisert behandling, og korleis ansvar og oppgåver skal fordelast. Det er utvikla samhandlingsforløp for fleire tilstandsbilete. 

Målet er å utvikle, forvalte og vidareutvikle samhandlingsforløp for barn og unge på tvers av kommunar og føretak under ei felles paraply, både innan psykisk helse, somatisk helse og habilitering/rehabilitering. 

I Barn og unges helseteneste vert det arbeidd med: 

• å forankre utviklingsarbeidet og involvere brukarar og fagfolk i ei felles satsing
• å skape arenaer for samhandling og kulturbygging der brukarar og fagfolk møtest på tvers av tenester
• å ta i bruk samhandlingsforløpa som verktøy og vidareutvikle dei slik at dei vert tilpassa lokale forhold. Å setje i verk tiltak for å skape eit meir samanhengande hjelpetilbod til barn og unge lokalt 

Barn og unges helseteneste er utfyllande til satsinga Betre tverrfagleg innsats (BTI), som gir strukturen for oppfølginga, medan Barn og unges helseteneste står for dei faglege anbefalingane. Begge satsingane er forankra i FSU barn og unge, og bidreg til utvikling av felles språk, kultur og forståing hos både hjelparar og barn, unge og foreldre. 

Barn og unges helseteneste - Helse Fonna HF  

• Årleg samhandlingsdag for leiarar for tenester til barn og unge i kommunar og foretak, med mål om å byggje ein felles «vi-kultur» og sikre forankring av endringsarbeid. Samhandlingsdagen skal bidra til at utviklingsarbeid og prosjekt vert omsette til praksis i tenestene. 
• Digitale faglunsjar 
• Fagdager og samlinger  

Utvalet har brei tverrfagleg representasjon. Kommunane er representerte ved leiarar for tenester til barn og unge, mellom anna barnehage og skule, helsestasjon og skulehelsetenesta, kommunal psykisk helseteneste, pedagogisk-psykologisk teneste (PPT), barnevern samt fysio- og ergoterapitenesta. 

Frå Helse Fonna HF deltek barne- og ungdomspsykiatrisk poliklinikk (BUP), habiliteringstenesta for barn og unge, somatisk barneavdeling og føde-/barselavdeling. 

Brukarrepresentantar deltek òg i utvalet, og bidreg til at perspektiva til barn, unge og familiar er ein integrert del av arbeidet. I tillegg deltek kompetansesentera og statsforvaltaren i utvalet. 

Nettverk for Betre tverrfaglig samarbeid (BTI)  

Bedre tverrfaglig innsats (BTI) er ein struktur for samarbeid som skal sikre at barn og unge får tidleg og rett hjelp. Modellen tydleggjer samhandling på tvers av tenester og nivå, frå første uro til vidare oppfølging.

BTI er utfyllande til satsinga Barn og unges helseteneste, der helsetenesta gir faglege anbefalingar og BTI legg rammene for oppfølging. Begge er forankra i FSU barn og unge og bidreg til felles språk, kultur og forståing.  

KORUS Stavanger - bedre tverrfaglig innsats (BTI)

Barn som pårørande 

Saman med kommunar og samarbeidspartnarar arbeider FSU barn og unge for å styrkje oppfølginga av barn som pårørande. Arbeidet er organisert i ei eigen nettverksgruppe med faste møter, og har deltaking frå kommunar og Helse Fonna. 

Barn som pårørande-nettverksgruppe - Helse Fonna HF 

Styrket trinnvis innsats for barn og unges psykiske helse (STIM)

Samarbeidsprosjekt mellom Helse Fonna og seks av kommunane i regionen.

Kontaktperson: Ester Marie Espeset, ester.espeset@helse-fonna.no 

Barn og unges helseteneste innan habilitering

Kontaktperson: Helene Sjøen, helene.sjoen@helse-fonna.no 

Heilskapleg ivaretaking av mor, partner og barn med alvorlig psykisk sjukdom i perinatalperioden 

Kontaktperson: Brynhild Storkersen Herheim, brynhild.storkersen.herheim@sveio.kommune.no 

Ein omsorgsmodell for ei bærekraftig svangerskaps- og fødsels- og barselomsorg i Helse Fonna- regionen 

Kontaktperson: Monica Tverrfjell, monica.helgeland.tverfjell@helse-fonna.no