Laurdagsvistitten
Kva gjer Jan Christian Vestre ein laurdag føremiddag i Haugesund? Besøker gastroenterologisk poliklinikk, vel.
– For ein fantastisk snuoperasjon og utvikling de har gjort, sa helse- og omsorgsministeren.
Avdelingsleiar Jeanette Pedersen og funksjonsleiar Ida Dankel Seim oppdaterte statsråden på forbetringsarbeidet dei har gjort dei siste åra innan koloskopi.
Det kjem pasientane skikkeleg til gode. Både i form av kvalitet og ikkje minst det store arbeidet som er lagt ned i å få ned ventetida.
– Vi har mange som skal til undersøking og kontroll. Vi har satt oss ein nullvisjon for ventetida, forklara Pedersen.
Difor har den dedikerte gjengen teke både kveldar og helger i bruk. Som denne laurdagen.
– De gjer ein kjempejobb for pasientane, rosa Vestre.
– Og så må det vere fagleg tilfredsstillande også?
– Det er godt å kjenne at vi har kontroll, svara Pedersen.
Sjå fleire bilete frå besøket
