Styringsdokument

Overordna føringar

I styringsdokumentet heiter det at målet til regjeringa er at Noreg skal ha den beste helsetenesta i verda. Dette er ei helseteneste som set pasienten i sentrum, og der fagfolka trivst og utviklar seg. Vår felles helseteneste skal vere innbyggarane og medarbeidarar sine førsteval.

Det gir oss følgande føringar:

• Vi skal møte pasientane med openheit, respekt og legge til rette for medverknad i val av behandling.
• Ha god kulturelle kompetansen for å sikre likeverdige helsetenester for alle.
• God og effektiv personellbruk og god organisering av arbeidsprosessar.
• God ansvars- og oppgåvedeling og god involvering.
• Styrke helsekompetansen og legge til rette for involvering frå pasientar og pårørande.
• Sikre etablering av Vestlandslegen.
• Vere med i arbeidet med helsefremmande aktivitet og arbeid saman med NAV.

Hovudmål for 2026

• Rask tilgang til trygge helsetenester av høg kvalitet og samanhengande pasientforløp.
• Styrke psykisk helsevern og tverrfagleg spesialisert rusbehandling.
• Kunnskapsbaserte og berekraftige tenester gjennom forsking, innovasjon og næringslivssamarbeid.
• Den offentlege helsetenesta skal vere den føretrekte arbeidsplassen for fagfolka.
• Spesialisthelsetenesta bidreg til samfunnssikkerheit og er førebudd på kriser.
• Ei berekraftig drift og utvikling av spesialisthelsetenesta og god personellbruk

Kvalitative mål for 2026

• Pasientar med store og samansette behov skal få samanhengande tenester og få dekt behova sine for habilitering og/eller rehabilitering.
• Kvinner skal oppleve eit samanhengande, trygt og heilskapleg tilbod gjennom svangerskap, fødsel og barseltida.
• Spesialisthelsetenesta skal arbeide systematisk med prioritering og redusere uønskt variasjon i kvalitet og forbruk av helsetenester.
• Bidra til at systematiske kjønnsforskjellar i helsetenesta blir jamna ut, og innsatsen for kvinnehelse skal styrkjast.
• Det skal vere trygt for tilsette i spesialisthelsetenesta å melde om uønskte hendingar og forbetringspunkt. System skal bidra til færre pasientskadar.
• Medarbeidarar i spesialisthelsetenesta skal ha god fagleg leiing, eit godt arbeidsmiljø og meir fleksible arbeidstidsordningar som er tilpassa ulike livsfasar.
• Fleire pasientar skal få høve til å delta i kliniske studiar.

Indikatorar for 2026

• Gjennomsnittleg ventetid for påbyrja helsehjelp skal reduserast kvart år i stortingsperioden 2025-2029.
• Gjennomsnittleg ventetid til vidare utgreiing og behandling skal reduserast markant i stortingsperioden 2025-2029. Dette målet vil bli nærare konkretiserte i tilleggsdokument til styringsdokument for 2026.
• Delen av pakkeforløp gjennomført innanfor standard forløpstid for kvar av dei 24 kreftformene skal vere minst 70 prosent.
• Regionen skal overhalde minst 95 prosent av pasientavtalane (maks 5 prosent passert planlagt tid) innan alle fagområda.
• Realveksten i kostnader innan psykisk helsevern og tverrfagleg spesialisert rusbehandling skal vere høgare enn den demografiske veksten for desse områda lagt til grunn i Prop. 1 S (2025–2026).
• Talet på lærlingar skal aukast samanlikna med 2025.
• Talet på LIS innan enkelte fagområde skal aukast samanlikna med 2025.
• Talet på pasientar som deltek i kliniske behandlingsstudiar er auka frå 2025.
• Talet på døgnplassar innan psykisk helsevern skal aukast i tråd med planane, jf. oppdrag TOD2025–20 og framskrivingsmodellen.

Oppdrag

I styringsdokumentet er det satt opp seks delmål.

Hovudmål 1: Rask tilgang til trygge helsetenester av høg kvalitet og samanhengande pasientforløp

• Arbeidet med ansvars- og oppgåvedeling, bruk av teknologiske løysingar og KI, fjerning av tidstjuvar og redusere unødvendige kontrollar intensiverast i 2026.
• Sikre at ventetidene på «Vel behandlingsstad» på Helsenorge.no er oppdaterte.
• Sikre at arbeidet med reduserte ventetider først og fremst drivast fram av langsiktige tiltak som bidreg til å modernisere helsetenestene og auke produktiviteten, og ikkje svekker den økonomiske berekrafta eller ressursbruken på lang sikt.
• Sørge for markant nedgang i ventetidene og eit likeverdig behandlingstilbod for behandling av kvinnesjukdomar.
• Følge opp Nasjonal kreftstrategi (2025–2035).
• Følgje opp tiltaka som blir føreslått av dei nasjonale nettverka innan radiologi og laboratoriemedisin for å sikre berekraftige tenester og unngå uønskt variasjon.

Spesifikke oppdrag

• Gjennomgang av analysepakkar innan laboratorieområdet.
• Helseføretaka skal tilby prehabilitering som del av pasientbehandlinga når dette er omtalt i dei nasjonale handlingsprogramma for kreft.
• Helseføretaka skal i samarbeid med helsefellesskapa sørge for at pasientens legemiddelliste blir tatt i bruk i eige helseføretak.
• Redusere ventetid til operasjon.
• Ta i bruk digitale løysingar.

Hovudmål 2: Styrke psykisk helsevern og tverrfagleg spesialisert rusbehandling (TSB)

• Sørge for at det er etablert helseteam knytt til alle barnevernsinstitusjonar med relevant kompetanse, under dette kompetanse på rusmiddelproblem.
• Sikre ein årleg auke i døgnkapasitet i psykisk helsevern for vaksne i tråd med framskrivingsmodellen og eigne lokale og regionale planar og auke døgnkapasiteten i 2026 minimum i tråd med planane.
• Etablere faste samarbeidsstrukturar mellom helseføretaka og kriminalomsorga på lokalt nivå, der dette ikkje finst i dag.

Hovudmål 3: Kunnskapsbaserte og berekraftige tenester gjennom forsking, innovasjon og næringslivssamarbeid

• Helse Fonna HF skal delta i etableringa av regionalt kompetansenettverk for helse og arbeid i Helse Vest.
• Helseføretaka må fortløpande publisere informasjon om nye kliniske studiar i eiget føretak på eigne heimesider, og slik bidra til den nasjonale oversikta over kliniske studiar i spesialisthelsetenesta.

Hovudmål 4: Den offentlege helsetenesta skal vere den føretrekte arbeidsplassen for fagfolka

• Fortsette innsatsen for å sikre breidde- og generalistkompetanse i tenestene.
• Halde fram med arbeidet med riktig arbeidstid og oppgåvedeling, nytte rammeverk for fleksible arbeidstidsordningar – inkludert langvakter.
• Ha planar for gjennomføring av tiltak i tråd med Felles interregional rapport «Bærekraftsrapport ABIOK, sykepleiere, jordmødre og helsefagarbeidere og rapportere på dette hausten 2026.
• Revidere fordelinga av LIS-1 mellom medisin, kirurgi og psykisk helsevern, slik at fleire LIS-1 får tredelt teneste.
• Sikre etterleving av regionale retningslinjer for bierverv.
• Førebygge vald og truslar.
• Legge til rette for å redusere emosjonell belastning, legge til rette for oppfølging av medarbeidarar.

Hovudmål 5: Spesialisthelsetenesta bidreg til samfunnssikkerheit og er førebudd på kriser

• Arbeid med førebyggande sikkerheit, beredskapsplanar, Totalforsvarsøvinga 2026 og relaterte aktivitetar vil vere prioriterte oppgåver i Totalforsvarsåret 2026.
• Auke intensivkapasiteten og sørge for at felles opplæring for sjukepleiarar og andre som kan delta i arbeidet i intensiveiningar blir haldt ved like og gjennomført.
• Implementere og oppfylle planen sine krav og føringar for lokal blodberedskap.
• Prioritere beredskapsarbeid og sørge for at beredskapsplanar er utarbeidd, kjent og øvd.
• Etablere planar for å kunne handtere hendingar som medfører langvarig (minimum 7 dagar) bortfall av straum, vatn og ekom.

Hovudmål 6: Ei berekraftig drift og utvikling av spesialisthelsetenesta og god personellbruk

• Forenkle og forbetre med effektiviseringskrav lik 3,4 MNOK og redusert konsulentbruk.
• Evaluering av nye sjukehusbygg.
• Revidere egen utviklingsplan.
• Bidra til å nå spesialisthelsetenesta sine felles klima- og miljømål og ha ein plan for korleis nå klimamål om 40 % reduksjon av eige karbonutslepp.
• Framstille ein årleg samla oversikt over utvikling av løn for leiande tilsette.