Akuttmottak

I akuttmottaket vurderer vi kor alvorleg tilstanden til pasienten er. Nokre gonger kjem det inn svært sjuke eller skadde pasientar som treng augeblikkeleg hjelp.  

Du vil bli møtt av sjukepleiar og/eller lege, som vil undersøke og kartleggje din situasjon.  

For dei som ikkje er alvorleg sjuk eller skadd, må ein berekne noko ventetid før du får snakke med ein lege. 

På akuttmottaket har vi mange leger med ulike fagområde. Pasientar blir vist til ulike leger og tidspunkt, avhengig av kva for ein type medisinsk kompetanse ein treng.  

Vi har ikkje noko standard kø-system for behandling. Vi behandlar dei sjukaste først.  

Basert på SATS-verktøyet gjer vi ei kort førehandsvurdering og prioritering av alle pasientar for å avgjere hastegraden. Det vil bli gjort ei rask undersøking og satt ei fargekode. Ventetida er avhengig av fargekoda di og talet på pasientar i mottaket. Vi har som mål at prioriteringa skal bli utført innan 15 minutt. 

Gjennomsnittleg ventetid for behandling er om lag tre timar, men kan vere noko lengre i travle periodar.

Fargekodar 

Rød

Akutt - tilnærma ingen ventetid. 

Oransje

Hastar - du skal raskt bli sett til av lege. 

Gul

Hastar litt - dette gjeld deg som er sjuk eller skada, men utanfor umiddelbar livsfare. 

Grøn

Hastar ikkje - gjeld deg som er sjuk eller skada, men ikkje nødvendigvis treng medisinsk hjelp umiddelbart. 

Blå

Du har blitt vist til skadepoliklinikken, og du har ei tilstand som tilseier at du ikkje treng ein full hastegradsvurdering. Du vil bli tatt imot etter kvart som legane er ledige.

Sei i frå viss tilstanden din forandrar seg. Vi gjer så godt vi kan for å hjelpe deg og andre pasientar. 

I møte med lege og sjukepleiar vil det bli gjort undersøkingar som det kan ta tid å få svar på. Det kan vere behov for å ta ulike prøvar der det kan vere noko ventetid. Eksempel på typar prøvar kan vere CT, røntgen eller ultralyd. 

Etter at undersøkingane er ferdig, vil du enten bli utskriven eller innskriven til vidare behandling på sjukehuset. 

På akuttmottaket har vi ein eigen skadepoliklinikk der vi behandlar lettare skader.

Sidan vi prioriterer pasientar som har fått alvorlege skader eller vore ute for alvorlege ulykker, kan det bli lengre ventetid for dei med lettare skader.   

Vi har alltid ulike team på vakt. Dei blir varsla og mobilisert når det kjem pasientar med alvorleg sjukdom, eller som har vore ute for alvorlege ulykker eller skader. 

I Helse Fonna har vi fem ulike typer team: 

• Traumeteam* som behandlar personar som ha vore ute for alvorlege ulykker eller skader. Eksempel kan vere trafikkulykker eller drukning.  
• Team for hjartestans. 
• Eit medisinsk akutt-team for ustabile pasientar som ikkje har vore utfor ulykker. 
• Eit team for hjerneslag. 
• Eit team for ustabile barn. 

*Traumeteamet som handterer alvorlege ulykker eller skader består av kirurg, ortoped, anestesilege, anestesisjukepleiar, operasjonssjukepleiar, mottakssjukepleiar, nevrokirurg, radiograf, portør, radiolog og bioingeniør. Alle i traumeteamet har sine spesialiserte oppgåver.  

Vi tar imot barn på akuttmottaket. Alle barn som treng akutt medisinsk hjelp innan Helse Fonna sitt område, må komme til Haugesund sjukehus. Sjukehusa i Odda og Stord har ikkje barneavdeling og tar difor ikkje imot barn for behandling.  

Barn som kjem til akuttmottaket blir følgt opp av ein egen sjukepleiar. 

På akuttmottaket er vi ca. 70 personar som jobbar fast. Til kvar tid er det leger frå ulike avdelingar tilgjengeleg. Vi har i tillegg to overlegar og fem sekretærar som jobbar fast på akuttmottaket. Resten av dei som jobbar her er sjukepleiarar, kor dei fleste har spesialutdanning innan akuttsjukepleie, intensivsjukepleie, psykiatrisk sjukepleie eller sårsjukepleie. 

Pasientar som ikkje kjem med ambulanse kan parkere i parkeringshuset. Det er ikkje lov å parkere utanfor akuttmottaket, då dette området er reservert for ambulansar. 

Om parkeringshuset:
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark-appen. Parkeringshuset har tre ladeuttak for el-bilar.

Parkeringsavgift:
Det er Haugesund Parkering Drift AS som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Gjennomsnittleg ventetid for legekonsultasjon er tre timar. Ventetida varierer avhengig av kor alvorleg skadd eller sjuk du er, ledig kapasitet og kor mykje folk det er på akuttmottaket. 

Vi har eigen ventesone for barn.

Vi har ikkje fast matservering, men har eit lite serveringsområde med drikke og noko lett å ete. Det er mogleg å be om brødmat til pasientar.  

Pårørande og andre kan kjøpe mat i sjukehuskantina i 6. etasje eller hos Narvesen i 1. etasje. Narvesen kiosken er open til kl. 21.00 på kvardagar og kl. 20.00 i helgene. 

Du kan bruke nettverket gjest.ihelse.net.

Du vil få beskjed om å legge inn mobilnummeret ditt, deretter får du tilsendt eit brukarnamn og passord for å logge inn.

Sjå eiga side om trådlaust nett. 

Viss du er på venterommet, kan du ta kontakt ein av dei tilsette som er på vakt.  

Viss du har blitt utskriven, kan du kontakte sentralbordet, avdelinga der du var innlagt på, eller fastlege.    

Om du ønskjer meir informasjon om helsehjelp, rettar, sjukdom eller diagnose kan du lese om dette på https://www.helsenorge.no/sykdom

Kvalitetssikra informasjon om behandling finn du på behandlingssidene våre.