Fysioterapi Odda

Fysioterapeutane behandlar primært innlagde pasientar, men har òg poliklinisk verksemd på område der spesialkunnskap er nødvendig.

Aktuelle pasientar for fysioterapi blir tilvist til terapieininga av ansvarleg overlege eller legar i utdanning (LIS 1) på sjukehuset.

Våre oppgåver:

• oppfølging av pasientar som er innlagde ved kirurgisk/medisinsk sengepost og overvakingsavdelinga.
• samarbeid med dialyseavdelinga ved behov.
• behandling av ortopediske og kirurgiske pasientar.
• behandling av medisinske tilstander som nevrologiske lidingar, geriatriske problemstillingar, hjarte- og karsjukdom, lungesjukdom, og vestibulære sjukdommar (svimmelheit).

Behandlinga går føre seg på pasientrom, i undersøkingsrom eller i treningssal.

Det er tilstanden til pasienten som avgjer kva for tiltak som blir brukt, og pasienten blir gjort mest mogleg delaktig i behandlinga.

Fysioterapeutane har nært samarbeid med legar, sjukepleiarar og anna personale på sjukehuset.

I samband med utskriving av pasientar samarbeider fysioterapeutane med kommunal fysio- og ergoterapiteneste ved behov.

Om det er aktuelt å bestille hjelpemiddel heim til pasient, kan fysioterapeutane hjelpe med dette før utskriving.

Vi jobbar med utfordringar knytt til auka slimmengde i lungene, tungpust, hyppig tørr- eller slimhoste, trøyttleik, og redusert kapasitet til fysisk aktivitet. 

Innkalling til konsultasjon med lungefysioterapeut skjer etter tilvising frå lungelege ved Odda sjukehus.

Pasientar får opplæring i ulike pusteteknikkar og andre tiltak for å betre lungefunksjonen. Opplæringa er "hjelp til sjølvhjelp" som set krav til pasienten om å arbeide med seg sjølv.

Tilbod om lungefysioterapi er ein viktig del av det polikliniske tilbodet ved Odda sjukehus. Ved å få individuell rådgivande konsultasjon med fysioterapeut, hjelpar vi pasientar med å meistre plager ved langvarig lungesjukdom, fremme eigen helse, motvirke komplikasjonar, redusere behovet for sjukehusinnlegging og forbetre livskvaliteten.

Pasientar som har gjennomgått hjerneslag og skal til poliklinisk kontroll hos lege på sjukehuset, kan også få innkalling til fysioterapeut og/eller ergoterapeut dersom ein ser behov for det.

Slagpasientar som har vore innlagde ved Odda sjukehus, eller som har blitt overført frå andre sjukehus, blir kalla inn til poliklinisk kontroll etter cirka 4-12 veker. Då vurderer ein også behovet for vidare medisinsk behandling og opptrening.

Hensikta med fysioterapi er å optimalisere livskvaliteten og rørslepotensialet hos pasienten. Fysioterapeutane har brei kunnskap om kropp, rørsle og funksjon.

I terapieininga på Odda sjukehus er vi to fysioterapeutar. Vi har arbeidstid kvardagar frå kl. 08:00 - 15:15.