Trening som behandling

Om fysisk aktivitet og astma

Fysisk aktivitet er viktig for god lungehelse og førebyggje forverring av astma. Trening styrkjer kondisjon, uthald og muskulatur. 

Det er også viktig å lære skilnaden mellom eit astmaanfall og tetthet i brystet som kan oppstå ved fysisk aktivitet. 

Tettleik ved fysisk aktivitet

• Kva det er: Ein naturleg eller astmarelatert reaksjon på fysisk anstrenging.
  
  
• Kjenneteikn: Du vert tungpusta, tett i brystet eller hostar under eller rett etter trening.
  
  
• Varigheit: Går som regel over av seg sjølv etter 15 til 30 minutt med kvile.
  
  
• Tiltak: Førebygging med oppvarming og medisinar før trening hjelper ofte svært godt.
  
  

Astmaanfall

• Kva det er: Ei akutt og kraftig forverring av astmasymptoma.
  
  
• Kjenneteikn: Du har store vanskar med å puste, har pipande pust og hoste, også når du ikkje er i aktivitet.
  
  
• Varigheit: Går ikkje over av seg sjølv og krev rask behandling med medisinar.
  
  
• Tiltak: Du må ta hurtigverkande medisinar med ein gong, og kontakte lege eller legevakt ved manglande betring.
  
  

Gode råd for fysisk aktivitet ved anstrengelsesastma

• Varm opp forsiktig i 15–20 minutt, eventuelt med varmemaske om det er kaldt. Startar du rett på hard trening, må du rekne med meir astmaplager.
  
  
• Ikkje press deg så hardt at du må stoppe opp og hive etter pusten.
  
  
• Bruk leppepust for å halde pusten roleg og kontrollert.
  
  
• Når du er ferdig med treninga, bør du «springe deg ned» før du stoppar heilt.
  
  
• Dersom du ikkje er symptomfri under trening, kan du følgje dette rådet: Ta anfallsmedisin (beta2-agonist) 15–20 minutt før du startar treninga / går ut i kulda.
  
  

Øvingar

Kvilestilling

Knebøy

Overkropp og pusteteknikk