Trening som behandling

Om fysisk aktivitet og astma

Fysisk aktivitet er svært viktig for å førebyggje forverring av lungene, og trening aukar samtidig kapasiteten i kroppen. Det er også viktig å lære skilnaden mellom astmaanfall og aktivitetsutløyst tettheit. 

Aktivitetsutløyst tettleik

• Kva det er: Ein naturleg eller astmarelatert reaksjon på fysisk anstrenging.
• Kjenneteikn: Du vert tungpusta, tett i brystet eller hostar under eller rett etter trening.
• Varigheit: Går som regel over av seg sjølv etter 15 til 30 minutt med kvile.
• Tiltak: Førebygging med oppvarming og medisinar før trening hjelper ofte svært godt.

Astmaanfall

• Kva det er: Ein akutt og kraftig forverring av astmasymptoma.
• Kjenneteikn: Du har store vanskar med å puste, pipande pust og hoste, også utan at du er i aktivitet.
• Varigheit: Går ikkje over av seg sjølv og krev rask behandling med medisinar.
• Tiltak: Du må ta hurtigverkande medisinar med ein gong, og kontakte lege eller legevakt ved manglande betring.

Fordelar med fysisk aktivitet

• Auka uthald (kondisjon)
• Auka muskelstyrke og muskeluthald
• Auka bevegelegheit og smidigheit
• Sterkare beinbygning
• Positiv effekt på humør og psykisk helse
• Auka overskot og ein sterkare kropp som står betre imot sjukdom
• Auka kjensle av kontroll over eigen situasjon
• Lettare å få opp slim
• Redusert kjensle av tung pust

Gode råd for fysisk aktivitet ved anstrengelsesastma

• Varm opp forsiktig i 15–20 minutt, eventuelt med varmemaske om det er kaldt. Startar du rett på hard trening, må du rekne med meir astmaplager.
• Ikkje press deg så hardt at du må stoppe opp og hive etter pusten.
• Bruk leppepust for å halde pusten roleg og kontrollert.
• Når du er ferdig med treninga, bør du «springe deg ned» før du stoppar heilt.
• Dersom du ikkje er symptomfri under trening, kan du følgje dette rådet: Ta anfallsmedisin (beta2-agonist) 15–20 minutt før du startar treninga / går ut i kulda.